“Bildiyiniz kimi, premyer-liqa oyunlarının keçirildiyi stadionların hər biri ölkə kubokunun final matçının baş tutması üçün potensial arenalar sırasındadı. Niyə məhz “Liv Bona Dea Arena”? Biz Peşəkar Futbol Liqasının idarə heyəti olaraq, bütün stadionların durumu ətrafında müzakirə apardıq. Burda idman qurğusunun ümumi vəziyyəti, işıqlandırma sistemi, avtomobil dayanacaqlarının ərazisi, azarkeşlərin gediş-gəlişi üçün nəzərdə tutulan yerlər, eyni zamanda, arenanın əsas və yardımçı otaqlarının durumu nəzərə alındı. Daha öncə də kubokun final matçı bu stadionda keçirilib (2011/12 mövsümü: “Neftçi” – “Bakı” 2:0 red.). Ümumiyyətlə, hesab edirik ki, arena tələblərə tam uyğundu”.