“Araz-Naxçıvan” premyer-liqaya vəsiqə qazanandan sonra ev oyunlarını köhnə “Dalğa Arena”, yeni “Liv Bona Dea”da keçirməyə başladı. Səbəb Muxtar Respublika təmsilçisinin Naxçıvanda yerləşən stadionunun premyer-liqa tələblərinə uyğun olmamasıdı.

“Football-plus.az”ın əldə etdiyi məlumata görə, “qırmızı-ağlar” Mərdəkandakı arenada da çıxış edə bilməyəcək. Çünki AFFA ilə “Liv Bone Dea” hospitalı arasında imzalanan sponsorluq müqaviləsindən sonra bu barədə qərar qəbul edilib.

Kluba cari mövsümün sonuna qədər vaxt verilib ki, başqa stadion tapıb Mərdəkanı tərk etsin. Tələbi zəruri edən məqamlardan biri isə Naxçıvan şəhər stadionunda hansısa yeniliyin olmamasıdı. Yəni “Araz-Naxçıvan”ın premyer-liqaya vəsiqə qazanmasından 8 ay ötsə də, idman qurğusunda təmir-bərpa işləri gecikir. Qısası, arenanın elitaya uyğun formaya salınması yönündə hansısa çalışma yoxdu ki, bu da AFFA-nı və yeni sponsoru narahat edir.

KƏNAN BAHADIR