Cümə axşamı Konfrans Liqasının (KL) 1/8 finalına yekun vuruldu. 8 matçda çox müxtəlif nəticələr qeydə alındı.

"Football-plus.az" xəbər verir ki, bu mərhələdə İngiltərədə keçirilən oyun daha çox maraq doğururdu. Yerli “Aston Villa” ilk oyunda “Ayaks”ın qapısına heç cür yol tapa bilməmişdi. Amsterdamlılar evdə güclü rəqibə hücumda istədiyi oyunu oynamağa imkan verməmiş və qolsuz heç-heçə qaçılmaz olmuşdu. Lakin cavab görüşü komandalar arasında ciddi səviyyə fərqinin olduğunu göstərdi. “Ayaks” hazırda premyer-liqada 4-cü yeri tutan Unay Emerinin komandasının hücumlarına yalnız ilk hissənin ortalarına qədər davam gətirə bildi. Uotkinsin hesabı açması qonaqları istər-istəməz müdafiəni bir qədər unudub hücuma atılmağa vadar etdi. Nəticədə daha üç cavabsız qol vuran birmingemlilər 1/4 finala adladılar.

Avropanın aparıcı liqalarını təmsil edən digər iki komanda da növbəti mərhələyə vəsiqə qazandı. Məlum səbəbdən Budapeştdə (Macarıstan) keçirilən ilk oyunda “Makkabi”yə (Hayfa) 4:3 hesabıyla qalib gələn “Fiorentina”ya evdə 1:1 hesablı heç-heçə kifayət etdi. Avstriyada “Şturm”un qapısından 3 cavabsız top keçirməklə, necə deyərlər, 1/4 finalın qapısını açan “Lill” də öz meydanında eyni hesaba razılaşdı.

Belçikada “Yunion”un qapısından 3 cavabsız top keçirən “Fənərbaxça” evdə minimal hesabla uduzsa da, növbəti mərhələyə çıxdı. “Olimpiakos”u Yunanıstanda 4:1 hesabıyla məğlub edən “Makkabi” (Təl-Əviv) Baçka-Topoladakı (Serbiya) cavab görüşündə daha böyükhesablı darmadağına məruz qaldı – 1:6. Pireylilər evdə 3 top fərqi ilə uduzandan sonra mərhələni adlayan ilk komanda oldu! Yunanıstanın digər komandası da həlledici oyunda əzmkarlığı ilə seçildi. Xorvatiyada “Dinamo”ya iki cavabsız qolla uduzan PAOK öz meydanında 5:1 hesabıyla qalib gəldi. Mahir Emreli zaqreblilərin darmadağınını yalnız kənardan izləməli oldu. Yığmamızın hücumçusu zədə səbəbindən cavab matçını da buraxdı.

Qrup mərhələsini yalnız bir komanda maksimum nəticə ilə başa vurmuşdu. 6 oyunun hamısında qalib gələn “Viktoriya”nın qələbə seriyası ötən həftə İsveçrədə qırılmışdı: Çexiya təmsilçisi cavab görüşündə də “Servett” ilə qolsuz heç-heçəyə razılaşdı. Labüd olan penalti seriyası isə plzenlilərin qələbəsi ilə nəticələndi.

1/8 final, cavab oyunları
Aston Villa (İngiltərə) - Ayaks (Niderland) 4:0 (ilk oyun - 0:0)
Uotkins, 25. Beyli, 60. Duran, 75. Diabi, 81.
Aston Villa: E.Martines, Dieqo Karlos (Lanqle, 74), Torres, Keş, A.Moreno, Duqlas Luis (Kellimen, 83), Beyli (İroeqbunam, 74), Makqinn, Diabi, Uotkins (Duran, 33), Rocers (Tilemans, 46).
Fiorentina (İtaliya) - Makkabi (Hayfa, İsrail) 1:1 (4:3)
Barak, 59 - Halayli, 88.
Fiorentina: Terraçano, Faraoni (Dodo, 71), L.Martines, Ranyeri, Biraqi (Parizi, 82), Bonaventura (Lopes, 76), Barak (Beltran, 82), Mandraqora, Sottil (İkone, 76), N.Qonsales, Belotti.
Lill (Fransa) - Şturm (Avstriya) 1:1 (3:0)
Tyaqo Santuş, 43 – Byeret, 45+1.
Lill: Mannone, Tyaqo Santuş (İsmaili, 73), Diakite (Yoro, 61), Alessandro, Qudmundsson, Bentaleb (Andre, 46), Haraldsson (A.Qomes, 46), Buaddi, Kabella, Yazıcı, Jeqrova (Devid, 46).
Fənərbaxça (Türkiyə) - Yunion (Belçika) 0:1 (3:0)
Rasmussen, 68.
Makkabi (Təl-Əviv, İsrail) - Olimpiakos (Yunanıstan) 1:6, əlavə vaxtda (4:1)
Zahavi, 57-p. – Podense, 10. Fortunis, 36. Əl-Kaabi, 45+3; 65. Yovetiç, 93. Əl-Ərəbi, 103.
Brügge (Belçika) - Molde (Norveç) 3:0 (1:2)
Skov Olsen, 45+1; 48. Skuras, 70.
PAOK (Yunanıstan) - Dinamo (Xorvatiya) 5:1 (0:2)
Baba, 27. Suçiç, 33-öz qapısına. Brendon, 42. Kulierakis, 72. Jivkoviç, 88-p. – Hoca, 49.
Viktoriya (Plzen, Çexiya) - Servett (İsveçrə) 0:0, p. – 3:1 (0:0)
Bombardirlər: Zahavi (Makkabi T-Ə) - 8, Petkoviç (Dinamo) - 7.