Cümə axşamı Konfrans Liqasının (KL) 1/8 finalına start verildi. 8 matçda çox müxtəlif nəticələr qeydə alındı.

"Football-plus.az" xəbər verir ki, mərhələdə Niderlandda keçirilən oyun daha çox maraq doğururdu. Yerli “Ayaks” hazırda İngiltərə premyer-liqasında 4-cü yeri tutan “Aston Villa”ya hücumda istədiyi oyunu oynamağa imkan vermədi. Komandalar qolsuz sona çatan matçı 10 nəfərlə başa vurdular: 83-cü dəqiqədə Konsa (Aston Villa), 3 dəqiqə sonra isə qırmızı vərəqə alan Qayqer (Ayaks) cavab görüşünü buraxacaqlar.

Hayfadakı matç dramatikliyi ilə yadda qaldı. Hesabı “Fiorentina” açsa da, yerli “Makkabi” ardıcıl qollarla fasilyə üstün durumda yollandı. Lakin ikinci hissədə səviyyəsini nümayiş etdirən İtaliya komandası 4:3 hesabıyla qalib gəldi. Bu mərhələdə qitənin aparıcı liqalarından Fransanı təmsil edən “Lill” isə Avstriyada “Şturm”un qapısından 3 cavabsız top keçirməklə, necə deyərlər, 1/4 finalın qapısını açdı.

“Olimpiakos”u Yunanıstanda 4:1 hesabıyla məğlub edən “Makkabi” (Təl-Əviv) və Belçikada “Yunion”un qapısından 3 cavabsız top keçirən “Fənərbaxça” da növbəti mərhələyə çıxmaq şansını artırdı. Eyni fikri “Dinamo” haqda da söyləmək olar. Xorvatiya klubu evdə PAOK-u Petkoviçin dublu ilə məğlub etdi. Mahir Emreli Xorvatiya nəhənginin inamlı qələbəsində heç bir rol oynamadı: yığmamızın hücumçusu zədə səbəbindən matçı buraxmalı oldu.

Qrup mərhələsini yalnız bir komanda maksimum nəticə ilə başa vurmuşdu. 6 oyunun hamısında qalib gələn “Viktoriya”nın qələbə seriyası İsveçrədə qırıldı: Çexiya təmsilçisi “Servett” ilə qolsuz heç-heçəyə razılaşdı.

1/8 final, ilk oyunlar
Ayaks (Niderland) - Aston Villa (İngiltərə) 0:0
Aston Villa: Martines, Lanqle, Konsa, Torres (Keş, 46), Din (A.Moreno, 74), Duqlas Luis, İroeqbunam (Zanyolo, 74), Tilemans, Diabi (Makqinn, 63), Uotkins, Rocers (Beyli, 63).
Makkabi (Hayfa, İsrail) - Fiorentina (İtaliya) 3:4
Sek, 12. Kinda, 29. Halayli, 67 – Nzola, 2. Beltran, 58. Mandraqora, 73. Barak, 90+5.
Fiorentina: Terraçano, Kayode, Milenkoviç, Ranyeri, Biraqi, Dunkan (Bonaventura, 74), Mandraqora (Barak, 81), İkone (Sottil, 87), N.Qonsales, Nzola (Belotti, 74), Beltran.
Şturm (Avstriya) - Lill (Fransa) 0:3
Devid, 28; 51. Jeqrova, 71.
Lill: Şevalye, Tyaqo Santuş, Yoro, Alessandro, İsmayli (Qudmundsson, 64), Andre, A.Qomes (Ferra, 81), Buaddi, Jeqrova (Bazie, 77), Haraldsson (Kabella, 74), Devid (Yazıcı, 64).
Yunion (Belçika) - Fənərbaxça (Türkiyə) 0:3
Batşuayi, 20. Ostervolde, 84. Tadiç, 90+4-p.
Fənərbaxça: Livakoviç, Oseyi-Semüel, Ciku, Söyüncü (Kadıoğlu, 35), Ostervolde, Fred (Kruniç, 68), Şimanski (Yandaş, 78), Yüksək, Tadiç, Ündər (Kent, 68), Batşuayi (Ceko, 78).
Olimpiakos (Yunanıstan) - Makkabi (Təl-Əviv, İsrail) 1:4
Əl-Kaabi, 13 – Zahavi, 4; 30. Şahar, 9. Perets, 74.
Molde (Norveç) – Brügge (Belçika) 2:1
Stenevik, 43. Qulbarannsen, 90+2 – De Kuyper, 85-p.
Dinamo (Xorvatiya) – PAOK (Yunanıstan) 2:0
Petkoviç, 37; 71.
Servett (İsveçrə) – Viktoriya (Plzen, Çexiya) 0:0
Cavab oyunları martın 14-də keçiriləcək.
Bombardirlər: Petkoviç (Dinamo), Zahavi (Makkabi T-Ə) - 7.
Həftənin ən yaxşı oyunçusu (UEFA-nın versiyası): Bruno Petkoviç (Dinamo).