Cümə axşamı Konfrans Liqasında (KL) növbəti mərhələ başladı. Pley-offun ilk oyunları keçirildi.

"Football-plus.az" xəbər verir ki, 3-cü mövsümü keçirilən KL-in pley-off mərhələsində 16 komanda iştirak edir. Reqlamentə görə, qrup qalibləri (Lill, Makkabi T-Ə, Viktoriya P, Brügge, Aston Villa, Fiorentina, PAOK, Fənərbaxça) birbaşa 1/8 finalda oynamaq hüququ qazanıb. 2-ci yeri tutanlar (Slovan, Gent, Dinamo, Bude/Qlimt, Legiya, Ferentsvaroş, Ayntraxt F, Ludoqorets) isə bu mərhələyə vəsiqə qazanmaq üçün Avropa Liqasının qruplarını 3-cü yerdə başa vuran komandalarla (Olimpiakos, Ayaks, Betis, Şturm, Yunion, Makkabi H, Servett, Molde) iki oyundan ibarət pley-offda qarşılaşacaq. Bu mərhələnin 8 qalibi 1/8 finalda oynayacaq.

Pley-offun fevralın 15-də keçirilən ilk oyunları sırasında Belçikadakı matçı maraqla gözləməyə dəyərdi. Hazırda bu ölkənin çempionatında inamla liderlik edən “Yunion” Almaniya bundesliqasında 6-cı yerdə olan “Ayntraxt”dan ilk 10 dəqiqədə iki top buraxsa da, hər iki qolun cavabını verə bildi. Əzmkarlıq baxımından “Ayaks” diqqəti daha çox cəlb etdi. Niderland klubu 64-cü dəqiqədə evdə “Bude/Qlimt”ə iki top fərqi ilə uduzurdu. Amsterdamlılar məğlubiyyətdən əsas vaxta əlavə edilən dəqiqələrdə qurtula bildilər - 2:2.

İlk oyunlarda ən gözlənilməz nəticə isə İspaniyada qeydə alındı. “Betis” heç də zəif sayılmayan heyətlə “Dinamo”ya minimal hesabla uduzdu. Penaltini dəqiq yerinə yetirən Petkoviç bu mövsüm 5-ci qolunu vurmaqla bombardirlərin siyahısında şərikli lider oldu. Amma Mahir Emreli Xorvatiya nəhənginin sürpriz qələbəsində rol oynaya bilmədi: yığmamızın hücumçusu zədəli olduğu üçün matçı buraxmalı oldu.

pley-off, ilk oyunlar
Yunion (Belçika) – Ayntraxt (Frankfurt, Almaniya) 2:2
Rasmussen, 31. Nilsson, 68 – Şaybi, 3. Kalayciç, 10.
Ayntraxt: Trapp, Buta, Tuta (Knauff, 46), Kox, Paço, Nkunku (Maks, 90), Götse (Rode, 65), Sxibi, Şaybi, Marmuş (Dina Ebimbe, 79), Kalayciç (Ekitik, 65).
Betis (İspaniya) – Dinamo (Xorvatiya) 0:1
Petkoviç, 76-p.
Betis: R.Silva, Ruibal (Sorroke, 70), Pesselya, Riad, Miranda, Karvalyo (Roka, 58), Kardoso, Rodri (Belyerin, 59), Fekir, Ezzalzuli (Diao, 59), Villian Joze.
Ayaks (Niderland) - Bude/Qlimt (Norveç) 2:2
Van de Boomen, 90+1-p. Berqheys, 90+7 – Qrenbek, 16; 64.
Molde (Norveç) – Legiya (Polşa) 3:2
Qulbrannsen, 12; 19. Kosa, 24 – Jozue, 64. Auqustınyak, 75.
Şturm (Avstriya) - Slovan (Slovakiya) 4:1
Byeret, 4. Stankoviç, 27. Kiteişvili, 64-p. Kamara, 90+1 – Rodriges, 8.
Servett (İsveçrə) – Ludoqorets (Bolqarıstan) 0:0
Olimpiakos (Yunanıstan) – Ferentsvaroş (Macarıstan) 1:0
Əl-Kaabi, 83.
Makkabi (Hayfa, İsrail) – Gent (Belçika) 1:0
Pyero, 65.
Cavab oyunları fevralın 21-22-də keçiriləcək.
Bombardirlər: Zahavi (Makkabi T-Ə), Nyuqren (Norşellann), Orban (Gent), Petkoviç (Dinamo) - 5.