Dünən Səudiyyə Ərəbistanı çempionatının 24-cü turunda Kriştiano Ronaldonun şərəfini qoruduğu ''Əl-Nəsr'' ''Əl-Əhli''nin qonağı oldu.

Qeyd edək ki, ''Əl-Əhli''də qapıçı Eduard Mendi, eləcə də Merih Dəmiral, Riyad Mahrez, Roberto Firmino kimi tanınmış futbolçular top qovur. ''Əl-Nəsr'' heç də uğurlu dönəmdən keçmir. Komanda ardıcıl 3 rəsmi oyunda qələbəyə həsrət qaldıqdan sonra martın 11-də Asiya Çempionlar Liqasında evdə ''Əl-Əyn''i məğlub etsə də, penaltilər seriyasında uduzaraq mübarizəni dayandırmalı olmuşdu. Amma bu dəfə Ər-Riyad təmsilçisi çətin səfərdə qalib gələ bildi. Kriştiano Ronaldonun 68-ci dəqiqədə penaltidən vurduğu qol oyunda yeganə oldu. Bu, portuqaliyalı superulduzun Səudiyyə Ərəbistanında rəsmi oyunlarda vurduğu yubiley - 50-ci qol oldu. ''Əl-Nəsr''in heyətində keçirdiyi 58 rəsmi oyunda onun aktivində 50 qol və 13 məhsuldar ötürmə var. Bu mövsüm 39 yaşlı futbolçu 23 oyuna vurduğu 22 qolla Səudiyyə Ərəbistanı çempionatında bombardirlər yarışına başçılıq edir.

ƏLİ