"Mançester Yunayted"dən ayrılan Kriştiano Ronaldo Səudiyyə Ərəbistanının "Əl-Nəsr" klubuna keçməyə yaxındı.

"Football-plus.az" "Marca"ya istinadən xəbər verir ki, portuqaliyalı hücumçu ilə 2,5 illik müqavilə imzalanacağı gözlənilir.

Ronaldonun “Əl-Nəsr”də keçirdiyi hər mövsümə görə 200 milyon avro qazanacağı bildirilib. Bu məbləğə maaş və reklam gəlirləri daxildi.

37 yaşlı hücumçunun idman ambisiyalarını azaltmağa və zəif liqadan bir kluba keçməyə hazır olduğu qeyd olunub. Avropa klublarından heç biri Ronaldoya "Əl-Nəsr"lə müqayisə oluna bilən təklif etməyib.

Xatırladaq ki, bir müddət əvvəl Ronaldonun “Mançester Yunayted”lə müqaviləsinə xitam verilmişdi. İndi forvard azad agent statusundadı.