Argentina Liqa Kubokunun (LK) qrup mərhələsində son 9 gün ərzində iki tur baş tutdu.

"Football-plus.az" xəbər verir ki, 9-10-cu turlarda qeydə alınan nəticələrdən sonra A qrupunda birində birdən-birə 5 komandanın şərikli liderliyi qeydə alındı. B qrupunda isə “Qodoy Krus” liderliyini davam etdirdi.

8-ci turdan sonra A qrupunda liderliyi yenidən ələ alan “İndependyente” son iki oyunda hesabına elə bu qədər xal yaza bildi. Karlos Tevesin çalışdırdığı komanda əvvəlcə əsas rəqiblərindən biri ilə səfərdə qarşılaşdı. Avelyanedalıların əsas izləyicisi “Barrakas Sentral” ilə oyun 2:2 hesabıyla sona çatdı. “İndependyente” növbəti ev oyununda daha bir ciddi sınaq verməli oldu. “River Pleyt” ilə matçın nəticəsini ilk hissədə qeydə alınan qarşılıqlı qollar müəyyən etdi – 1:1. “River Pleyt” 9-cu turda LK-nın debütantı “İndependyente Rivadaviya”nı iki cavabsız qolla məğlub etdi. Martin Demiçelisin komandası bununla 4 oyunluq heç-heçə seriyasına qoydu. Son iki matçda ölkə nəhənginin hər üç qolunun müəllifi Borxa oldu. 31 yaşlı kolumbiyalı hücumçu qollarının sayını 10-a çatdırmaqla bombardirlərin yarışında liderliyini bir qədər də möhkəmləndirdi. Xalını 18-ə çatdıran “River” topların daha yaxşı fərqinə əsasən 1-ci yeri ələ keçirdi. Eyni xala malik olan “İndependyente” 4-cü yerə düşdü.

Son iki tur “Arxentinos Xuniors” üçün qənaətbəxş keçdi. “Ximnasiya”ya evdə 2:0 hesabıyla qalib gələn “yeniyetmələr” səfərdə “Atletiko Urakan”dan bir xal (1:1) almaqla 3-cü yerə sahib oldu.

İki tur əvvəl 7-ci yerdə olan “Veles Sarsfild” növbəti oyunlarda büdrəmədi: əvvəlcə evdə turnirin son qalibi “Rosario Sentral”ı 1:0, sonra isə səfərdə “Banfild”i 2:1 hesabıyla məğlub etdi. Paytaxt komandası da 18 xala malikdi, amma topların fərqinə görə, şərikli liderlər arasında sonuncu – 5-ci yerdədi.
Bu baxımdan “Talyeres de Kordoba”nın işləri daha yaxşı gedir. Kordobalılar da son iki turu maksimum xalla başa vurdular. Debütant “Deportivo Riestra” (1:0) və “Atletiko Tukuman” (4:1) üzərində qələbələr onları 2-ci yerə yüksəltdi. Yeni mövsümə zəif başlayan “Rosario Sentral” isə qeyri-sabit çıxışını davam etdirir. LK-nın son çempionu iki turda hesabına 3 xal yaza bildi. Migel Russonun komandası A qrupunda 8-ci yerdədi. Şərikli liderlərdən 4 xal geri qalan rosariolular hələ ki pley-offa vəsiqə verən ilk “4-lüy”ə düşmək şansını saxlayırlar. Qrup mərhələsinin sonuna isə 4 tur qalıb.

B qrupunda “Qodoy Krus”un liderliyi davam edir. Libertadores Kubokunun təsnifat mərhələsindəki çıxışına görə “San Lorenso” ilə səfər oyunu təxirə salınan Daniel Oldranın komandası 10-cu turda “Nyuellz Old Boyz”dan evdə bir xal (1:1) ala bildi.

8-ci turda liderdən səfərdə 3 xal alan (2:1) “Estudiantes” xal fərqini minimuma endirmişdi. Amma “tələbələr” uğurun davamını gətirə bilmədilər. “Platense”yə 1:2, “Sarmyento”ya isə 1:3 hesablı məğlubiyyətlər onları 3-cü pilləyə saldı.

2-ci yerə isə “Lanus” yüksəldi. Evdə “Sentral Kordoba”ya uduzan (0:1) lanuslular səfərdə autsayder “Tiqre”yə qalib gəlməklə (3:2) liderin əsas izləyicisinə çevrildi.

Bu qrupda pley-offa vəsiqə verən 4-cü yeri “Nyuellz Old Boyz” ələ keçirdi. 8-ci turdan sonra 6-cı yerdə olan komanda “Tiqre” (1:0) və “Qodoy Krus”dan (1:1) ümumilikdə 4 xal almağı bacardı.

B qrupunda 5-ci yeri “Boka Xuniors” tutur. Qeyd edək ki, ölkə nəhəngi iki tur əvvəl də bu yerdə idi. “Union”a minimal hesabla uduzan “göy-sarılar” məğlubiyyətin acığını “Rasinq”dən çıxdılar - 4:2. Mövsümə heç də yaxşı başlamayan Dieqo Martinesin komandası tədricən “pley-off zonası”na yaxınlaşıb. Amma “Boka”nın qeyri-sabit çıxışı ilə ən yüksək yeri tutmaq ehtimalı azdı. Paytaxt klubu hazırda ehtiyatda bir oyunu olan liderdən 4 xal geri qalır.

qrup mərhələsi, 9-cu tur
Barrakas Sentral - İndependyente 2:2
Rosane, 22. A.Dominges, 45 – Matias Ximenes, 16; 65.
River Pleyt - İndependyente Rivadaviya 2:0
Borxa, 22; 34.
Arxentinos Xuniors - Ximnasiya 2:0
Qondou, 13. Leskano, 51.
İnstituto - Atletiko Urakan 2:0
Franko, 7. S.Rodriges, 90+2-p.
Veles Sarsfild - Rosario Sentral 1:0
Osorio, 87.
Estudiantes - Platense 1:2
S.Romero, 58 - Açen, 46. Pelleqrino, 55.
Lanus - Sentral Kordoba 0:1
Molina, 56.
Rasinq - Sarmyento 0:1
Qodoy, 38.
Union - Boka Xuniors 1:0
Korvalan, 89.
Atletiko Tukuman – Banfild 0:3
Milton Ximenes, 59. Rivera, 65; 90+2.
Deportivo Riestra - Talyeres de Kordoba 0:1
R.Sosa, 17-p.
Nyuellz Old Boyz – Tiqre 1:0
İ.Ramires, 45+1.
Belqrano - Defensa y Xustisiya 1:1
Passerini, 72-p. - Ramos, 17.
“San Lorenso” – “Qodoy Krus” oyunu martın 21-nə təxirə salınıb.

10-cu tur
İndependyente - River Pleyt 1:1
Avalos, 38 - Borxa, 23.
Ximnasiya - Barrakas Sentral 2:0
F.Sançes, 78. E.Ramires, 88.
Atletiko Urakan - Arxentinos Xuniors 1:1
Qarete, 12 – Leskano, 27.
Rosario Sentral - İnstituto 1:0
O’Konnor, 52.
Qodoy Krus - Nyuellz Old Boyz 1:1
Koneçni, 25 – İ.Ramires, 45+3.
Sarmyento - Estudiantes 3:1
Qo, 22. Molina, 80. L.Lopes, 90+3 - T.Palasios, 8.
Tiqre - Lanus 2:3
Kardoso, 14. Nardelli, 38-p. - M.Moreno, 30. Bou, 59. B.Agirre, 63.
Boka Xuniors - Rasinq 4:2
Blondel, 26. Kolombo, 49. Kavani, 60. Valentini, 81 – Kintero, 33. A.Martines, 47.
Platense - San Lorenso 0:0
Talyeres de Kordoba - Atletiko Tukuman 4:1
Cirotti, 3; 68. Devikki, 27-öz qapısına. Qalarsa, 54 - Cani, 41.
Defensa y Xustisiya - Union 2:1
N.Fernandes, 34; 62-p. - Balboa, 42.
İndependyente Rivadaviya - Deportivo Riestra 1:2
Maydana, 6 – X.Errera, 15. Xoytya, 80.
Banfild - Veles Sarsfild 1:2
Qalvan, 35 – B.Romero, 17; 73.
Sentral Kordoba – Belqrano 2:2
Lakuydayn, 18. Nuss, 61 – Passerini, 9. U.Sançes, 34.

A qrupu
1. River Pleyt 10 4 6 0 18-6 18
2. Talyeres de Kordoba 10 5 3 2 20-13 18
3. Arxentinos Xuniors 10 5 3 2 17-10 18
4. İndependyente 10 5 3 2 10-6 18
5. Veles Sarsfild 10 5 3 2 12-12 18
6. İnstituto 10 5 2 3 14-8 17
7. Barrakas Sentral 10 4 4 2 11-9 16
8. Rosario Sentral 10 4 2 4 7-10 14
9. Ximnasiya 10 4 1 5 12-14 13
10. Banfild 10 2 4 4 10-12 10
11. Atletiko Urakan 10 2 3 5 7-11 9
12. Deportivo Riestra 10 2 2 6 5-13 8
13. İndependyente Rivadaviya 10 2 0 8 9-19 6
14. Atletiko Tukuman 10 0 5 5 2-14 5

B qrupu
1. Qodoy Krus 9 6 2 1 12-3 20
2. Lanus 10 6 1 3 16-8 19
3. Estudiantes 10 5 3 2 11-7 18
4. Nyuellz Old Boyz 10 5 2 3 11-11 17
5. Boka Xuniors 10 4 4 2 14-9 16
6. Defensa y Xustisiya 10 4 4 2 12-12 16
7. Union 10 4 3 3 10-8 15
8. Rasinq 10 4 2 4 14-9 14
9. Platense 10 2 5 3 5-11 11
10. Sentral Kordoba 10 2 3 5 7-10 9
11. San Lorenso 9 1 6 2 7-10 9
12. Sarmyento 10 2 3 5 9-15 9
13. Belqrano 10 1 5 4 13-14 8
14. Tiqre 10 1 2 7 5-16 5
Bombardirlər: Borxa (River Pleyt) - 10, A.Martines (Rasinq), İ.Ramires (Nyuellz Old Boyz) - 7.