Argentina Liqa Kubokunda (LK) qrup mərhələsi sona yaxınlaşır.

Son bir həftədə iki tur keçirildi. 10-cu və 11-ci turun oyunlarından sonra qruplardan birində intriqa bir qədər zəiflədi.

“Football-plus.az” xəbər verir ki, A qrupunda 10-cu turun “River Pleyt” – “İndependyente” oyunu maraqla gözlənilirdi. Karlos Tevesin çalışdırdığı qonaq komanda əvvəlki turda ölkə nəhənginin büdrəməsindən maksimum yararlanaraq ilk dəfə zirvəyə çıxmışdı. “River Pleyt” evdə qalib gəlməklə liderliyi geri qaytaracaqdı. Belə də oldu. Argentinanın son çempionu paytaxt derbisində rəqibinə heç bir şans vermədi. Üç cavabsız qolla qalib gələn “milyonçular” 11-ci turda “Ximnasiya”dan da maksimum xal aldılar. Amma səfər matçında qələbə onlara asan başa gəlmədi. Hesabı erkən açan ev sahibləri üzün müddət azarkeşlərini sevindirsələr də, güclü rəqibinin təzyiqinə sona qədər tab gətirə bilmədilər. Dias ilə Rondonun qolları “River”in əzmkar qələbəsini təmin etdi. Martin Demiçelisin komandası mövqeyini bir qədər gücləndirdi.

Çünki derbidə uduzan “İndependyente” yenə xal itirdi. Tevesin komandası öz meydanında qrupun autsayderinin qapısına heç cür yol tapa bilmədi. Qolsuz heç-heçə “qırmızılar”ı liderdən 4 xal geri saldı. A qrupunda 10-cu tura hərəyə 14 xal toplamaqla başlayan üç komandadan heç biri iki oyunda maksimum nəticə əldə edə bilmədi. Yalnız bir xal qazanan “İnstituto” 3-cü yerdən 8-ciyə düşdü. 3 xal toplayan “Kolon” və “Veles Sarsfild” uyğun olaraq 4-5-ci yerlərə gerilədilər. “Atletiko Urakan” isə iki turda 4 xal qazanmaqla pley-offa vəsiqə verən 3-cü yerə yüksəldi.

B qrupunda keçirilən oyunlarda qeydə alınan nəticələrdən sonra lider dəyişməsə də, cədvəlin yuxarı pillələrində əhəmiyyətli dəyişikliklər baş verdi. 10-cu tura 1-ci yerdə başlayan “Belqrano” evdə “Sentral Kordoba” ilə heç-heçəyə (1:1) razılaşandan sonra səfərdə “Lanus”a uduzdu. Gilyermo Farrenin çalışdırdığı komanda bu mövsüm ilk dəfə məğlub oldu. İki oyuna yalnız bir xal qazanan “Belqrano” liderliyini itirmədi. 1-ci yeri “Qodoy Krus” ələ keçirə bilərdi. Lakin “Nyuellz Old Boyz” üzərində 2:0 hesablı qələbədən sonra “Tiqre”dən səfərdə xal ala bilməyən (0:1) qodoyluların da LK-da 11 oyunluq məğlubiyyətsiz seriyası qırıldı. İki oyuna 4 xal qazanan “Sentral Kordoba” da xalını 18-ə çatdırdı. Nəticədə B qrupunda üçhakimiyyətlilik yarandı.
“Boka Xuniors” isə, belə desək, LK-nı yola verməklə məşğuldu. Pley-offa vəsiqə qazanmaq şansını möcüzəyə bağlayan ölkə nəhəngi “Rasinq”ə 1:2 hesabı ilə uduzandan sonra “Estudiantes” ilə qolsuz heç-heçə ilə 10-cu yerdə qaldı. Mariano Erronun komandası bu nəticələrlə pley-offda görünməmək ehtimalını daha da artırdı. “Boka” sona üç tur qalmış liderdən 7, pley-offa vəsiqə verən 4-cü yerdən isə 5 xal geri qalır.

qrup mərhələsi, 10-cu tur
River Pleyt - İndependyente 3:0
Borxa, 36; 59. Solari, 84.
İnstituto - Rosario Sentral 0:0
Arsenal – Kolon 1:0
Sexas, 24-p.
Veles Sarsfild - Banfild 0:1
Rivera, 78.
Belqrano - Sentral Kordoba 1:1
Lensioni, 46 – Sanabriya, 78.
Nyuellz Old Boyz - Qodoy Krus 0:2
Barrea, 37. Koneçni, 79.
Estudiantes - Sarmyento 2:1
Boselli, 43-p. S.Romero, 71 – Kaprof, 52.
Barrakas Sentral - Ximnasiya 1:2
Tapya, 73-p. – Kolaso, 4. Kabral, 75.
Union - Defensa y Xustisiya 0:0
Rasinq - Boka Xuniors 2:1
Vekkio, 73. Siqali, 90+6 - Merentyel, 90+3.
Arxentinos Xuniors - Atletiko Urakan 1:2
Redondo, 21 – Pussetto, 58; 62-p.
Atletiko Tukuman - Talyeres de Kordoba 1:0
Estiqarribia, 6.
San Lorenso - Platense 1:1
Bareyro, 90 – Salasar, 79.
Lanus – Tiqre 2:1
Lautaro Akosta, 40. Kaseres, 78 – Lusiatti, 87.
11-ci tur
Ximnasiya - River Pleyt 1:2
Tarraqona, 4 – P.Dias, 75. Rondon, 79.
İndependyente - Arsenal 0:0
Kolon - Atletiko Tukuman 1:0
N.Romero, 22-öz qapısına.
Boka Xuniors – Estudiantes 0:0
İnstituto - Veles Sarsfild 0:1
Akino, 29.
Rosario Sentral - Arxentinos Xuniors 3:1
Komar, 14. Servera, 17. Malkorra, 65 – Avalos, 49-p.
Talyeres de Kordoba - Banfild 0:0
Lanus - Belqrano 2:0
X.Torres, 48. Bocco, 60.
Sarmyento - San Lorenso 0:0
Atletiko Urakan - Barrakas Sentral 0:0
Platense - Nyuellz Old Boyz 0:0
Tiqre - Qodoy Krus 1:0
Forklas, 43.
Sentral Kordoba – Union 2:0
Qamba, 31. Sanabriya, 66.
“Defensa y Xustisiya” – “Rasinq” oyunu gec başa çatıb.
A qrupu
1. River Pleyt 11 7 2 2 22-11 23
2. İndependyente 11 5 4 2 11-7 19
3. Atletiko Urakan 11 5 2 4 14-10 17
4. Kolon 11 5 2 4 14-12 17
5. Veles Sarsfild 11 5 2 4 12-11 17
6. Banfild 11 4 4 3 7-5 16
7. Rosario Sentral 11 4 4 3 11-10 16
8. İnstituto 11 3 6 2 9-6 15
9. Atletiko Tukuman 11 3 5 3 6-7 14
10. Ximnasiya 11 4 2 5 15-17 14
11. Talyeres de Kordoba 11 3 4 4 11-9 13
12. Arxentinos Xuniors 11 3 3 5 16-19 12
13. Arsenal 11 3 3 5 9-12 12
14. Barrakas Sentral 11 3 2 6 8-19 11
B qrupu
1. Belqrano 11 4 6 1 15-10 18
2. Qodoy Krus 11 4 6 1 11-7 18
3. Sentral Kordoba 11 5 3 3 10-10 18
4. Rasinq 10 4 4 2 13-12 16
5. Platense 11 4 4 3 11-13 16
6. Nyuellz Old Boyz 11 4 3 4 11-8 15
7. Defensa y Xustisiya 10 3 4 3 9-8 13
8. Sarmyento 11 2 6 3 7-7 12
9. Union 11 2 6 3 8-9 12
10. Boka Xuniors 11 3 2 6 13-14 11
11. San Lorenso 11 1 8 2 7-10 11
12. Lanus 11 2 4 5 8-11 10
13. Estudiantes 11 2 4 5 7-11 10
14. Tiqre 11 2 3 6 4-11 9
Bombardirlər: Qondou (Arxentinos Xuniors), Passerini (Belqrano) – 7, Bareyro (San Lorenso), Borxa (River Pleyt), Kokkaro (Atletiko Urakan) - 6.