Cümə axşamı Konfrans Liqasının (KL) qrup mərhələsində 3-cü tur arxada qaldı.

Amma nəzərdə tutulan oyunlardan birinin təşkili mümkün olmadı: UEFA B qrupunda keçirilməli olan “Makkabi” (Təl-Əviv, İsrail) – “Zarya” (Ukrayna) oyununu noyabrın 25-nə təxirə salıb.

2-ci turda qitənin aparıcı liqalarından olan klubların çətinə düşməsi daha çox yadda qalmışdı. Xatırladaq ki, Avropanın aparıcı 5 liqası İspaniya istisna olmaqla qrup turnirində 4 komanda ilə təmsil olunub. Reytinqi yüksək olan ölkələrin təmsilçiləri əvvəlki turu 1 qələbə, 2 heç-heçə və 1 məğlubiyyətlə başa vurmuşdular. Bu dəfəki ümumi mənzərə isə belə oldu: 4 oyuna 4 qələbə! Qeyd edək ki, 4 komandadan 3-ü rəqiblərini böyük hesabla məğlub etdi. Yalnız “Lill” rəqibi üzərində kiçik üstünlüyə nail oldu. A qrupunda yarışan Fransa klubu evdə “Slovan”a 2:1 hesabıyla qalib gələrək liderliyi ələ aldı. Bu qrupun digər oyununun nəticəsi xüsusi vurğulanmalıdı. Avrokubokların qrup turnirinin debütantı olan“Klaksvik” evdə “Olimpiya”nın qapısından üç cavabsız top keçirməklə bu mərhələdə qələbə qazanan ilk Farer adaları komandası kimi tarixə düşdü.

Qrup mərhələsinə “Legiya”ya məğlubiyyətlə (2:3) başlayan “Aston Villa” bu dəfə çətin səfərlərdən sayılan Alkmaarda eyniadlı rəqibinə 4:1 hesabı ilə qalib gəldi. KL-in son finalçısı “Fiorentina” iki heç-heçədən sonra öz meydanında “Çukariçki”yə 6 cavabsız qol vurdu. “Ayntraxt” isə Almaniyada HİK-i eyni hesabla darmadağın etdi.

Maraqlıdı ki, 3 turdan sonra qitənin öncül liqalarının heç bir təmsilçisi maksimum nəticəyə nail ola bilməyib. Bunu bacaran 3 klub isə “Viktoriya”, “Fənərbaxça” və PAOK-du. “Viktoriya” ardıcıl 3-cü qələbəni (1:0) Zaqrebdə “Dinamo” üzərində qazandı. Ev sahiblərinin və yığmamızın hücumçusu Mahir Emrelinin strat heyətində meydana çıxdığını, 19-cu dəqiqədə sarı vərəqə aldığını və 56-cı dəqiqədə əvəzləndiyini qeyd edək.

qrup mərhələsi, 3-cü tur
A qrupu
Lill (Fransa) - Slovan (Slovakiya) 2:1
Yazıcı, 68. Kabella, 82 – Çavriç, 23.
Lill: Şevalye, Yumtiti, Qudmundsson, Diakite (Ribeyro, 66), Tyaqo Santuş, Andre (Bentaleb, 66), Kabella, Unas (Jeqrova 66), Yazıcı, A.Qomes (Buaddi, 90), Devid (Kavalyero, 86).
Klaksvik (Farer adaları) - Olimpiya (Sloveniya) 3:0
R.Yoensen, 30. Klettskar, 44. Y.Andreasen, 54.
1. Lill 3 2 1 0 4-1 7
2. Slovan 3 2 0 1 4-3 6
3. Klaksvik 3 1 1 1 4-2 4
4. Olimpiya 3 0 0 3 0-6 0
Növbəti turun oyunları noyabrın 9-da keçiriləcək: Slovan - Lill, Olimpiya - Klaksvik.

B qrupu
Gent (Belçika) - Breydablik (İslandiya) 5:0
Qandelman, 10. Kuypers, 15; 19. Tissudali, 43. Orban, 69.
“Makkabi” (Təl-Əviv, İsrail) – “Zarya” (Ukrayna) oyunu noyabrın 25-nə təxirə salınıb.
1. Gent 3 2 1 0 8-1 7
2. Zarya 2 1 1 0 2-1 4
3. Makkabi T-Ə 2 1 0 1 3-4 3
4. Breydablik 3 0 0 3 2-9 0
9 noyabr: Breydablik - Gent, Zarya - Makkabi T-Ə.

C qrupu
Dinamo (Xorvatiya) - Viktoriya (Plzen, Çexiya) 0:1
Horı, 69-p.
Ballkani (Kosovo) - Astana (Qazaxıstan) 1:2
Kuç, 8 – Ohanesyan, 7. Beysebekov, 23.
1. Viktoriya P 3 3 0 0 4-1 9
2. Dinamo 3 1 0 2 5-4 3
3. Ballkani 3 1 0 2 3-3 3
4. Astana 3 1 0 2 4-8 3
9 noyabr: Astana - Ballkani, Viktoriya P - Dinamo.

D qrupu
Luqano (İsveçrə) – Brügge (Belçika) 1:3
Vlyadi, 74 – Balanta, 15. Skov Olsen, 50. Vanaken, 87.
Bude/Qlimt (Norveç) - Beşiktaş (Türkiyə) 3:1
Qrenbek, 29. Mumbanya, 58. Saltnes, 87 – Moe, 90+1-öz qapısına.
1. Brügge 3 2 1 0 5-2 7
2. Bude/Qlimt 3 1 1 1 3-2 4
3. Luqano 3 1 1 1 4-5 4
4. Beşiktaş 3 0 1 2 4-7 1
9 noyabr: Beşiktaş - Bude/Qlimt, Brügge - Luqano.

E qrupu
Alkmaar (Niderland) - Aston Villa (İngiltərə) 1:4
Sadik, 65 – Beyli, 13. Tilemans, 23. Uotkins, 51. Makqinn, 56.
Aston Villa: E.Martines, Din, Lanqle, Dieqo Karlos, Keş, Makqinn (Diabi, 81), Tilemans, Beyli (B.Traore, 87), B.Kamara (Dendonker, 86), Duqlas Luis (Zanyolo, 69), Uotkins (Duran, 86).
Zrinski (Bosniya və Hersoqovina) - Legiya (Polşa) 1:2
Bilbiya, 30 - Yakovleviç, 30-öz qapısına. Kramer, 62.
1. Legiya 3 2 0 1 5-4 6
2. Aston Villa 3 2 0 1 7-4 6
3. Zrinski 3 1 0 2 5-6 3
4. Alkmaar 3 1 0 2 5-8 3
9 noyabr: Aston Villa - Alkmaar, Legiya - Zrinski.

F qrupu
Fiorentina (İtaliya) - Çukariçki (Serbiya) 6:0
Beltran, 6; 10. İkone, 29 Sottil, 65. L.Martines, 73. M.Lopes, 83.
Fiorentina: Terraçano, L.Martines, Ranyeri, Parizi (Pyerotsi, 46), Kayode (Komutso, 8), Barak (İnfantino, 67), M.Lopes, Mandraqora, İkone (Sottil, 58), Kuame, Beltran (Nzola, 58).
Genk (Belçika) - Ferentsvaroş (Macarıstan) 0:0
1. Fiorentina 3 1 2 0 10-4 5
2. Ferentsvaroş 3 1 2 0 5-3 5
3. Genk 3 1 2 0 4-2 5
4. Çukariçki 3 0 0 3 1-11 0
9 noyabr: Çukariçki - Fiorentina, Ferentsvaroş - Genk.

G qrupu
Ayntraxt (Frankfurt, Almaniya) - HİK (Finlandiya) 6:0
Dina Ebimbe, 12-p.; 89. Kox, 27. Marmuş, 31. Tuta, 45+3. Şxiri, 55.
Ayntraxt: Qral, Kox, Tuta (Hasebe, 56), Nkunku, Smolçiç, Götse, Şxiri (Yakiç, 65), Dina Ebimbe, Şaybi (Aaronson, 56), Marmuş (Nqankam, 56), Knauff (Çandler, 79).
Aberdin (Şotlandiya) - PAOK (Yunanıstan) 2:3
Miovski, 50. Polvara, 58 – Despodov, 73. Vieyrinya, 84. Şvab, 90+6-p.
1. PAOK 3 3 0 0 8-5 9
2. Ayntraxt F 3 2 0 1 9-3 6
3. Aberdin 3 0 1 2 4-6 1
4. HİK 3 0 1 2 3-10 1
9 noyabr: PAOK - Aberdin, HİK - Ayntraxt F.

H qrupu
Fənərbaxça (Türkiyə) – Ludoqorets (Bolqarıstan) 3:1
Batşuayi, 42. Zayts, 52; 90+3 – Bekao, 65-öz qapısına.
Spartak (Slovakiya) - Norşellann (Danimarka) 0:2
Abbyu, 36. Rasmussen, 48.
1. Fənərbaxça 3 3 0 0 8-3 9
2. Norşellann 3 2 0 1 10-4 6
3. Ludoqorets 3 1 0 2 6-10 3
4. Spartak 3 0 0 3 1-8 0
9 noyabr: Ludoqorets - Fənərbaxça, Norşellann - Spartak.

Bombardirlər: Vanaken (Brügge), Kuypers, Tissudali (hər ikisi “Gent”), Marmuş (Ayntraxt F), Çavriç (Slovan) – 3.