Cümə axşamı Konfrans Liqasının (KL) qrup mərhələsində 6-cı tur da arxada qaldı.

Sonuncu tur ərəfəsində turnirin növbəti mərhələsində oynayacaq 11 komanda məlum idi. Başqa sözlə, son 5 vəsiqənin sahibi finişdə müəyyənləşdi.

Xatırladaq ki, 4-cü turdan sonra 4 komanda - C qrupunda “Viktoriya” (Plzen), D qrupunda “Brügge”, G qrupunda isə “Ayntraxt” və PAOK pley-offa vəsiqə qazanmışdılar. 5-ci turdan sonra bu iştirakçıların sırasına 7 komanda qoşulmuşdu: A qrupunda “Lill” və “Slovan”, B qrupunda “Gent” və “Makkabi” (Təl-Əviv), D qrupunda “Bude/Qlimt”, E qrupunda “Aston Villa”, F qrupunda isə “Fiorentina” azarkeşlərini sevindirmişdi. Hesabat turundan sonra C qrupundan “Dinamo” (Zaqreb), E qrupundan “Legiya”, F qrupundan “Ferentsvaroş”, H qrupundan isə “Fənərbaxça” və “Ludoqorets” turnirdə mübarizəni davam etdirmək hüququ qazandılar.

Qrup mərhələsini yalnız bir komanda maksimum nəticə ilə başa vurdu. Amma qitənin aparıcı liqalarının heç bir təmsilçisi 6 oyunun hamısında qalib gələ bilmədi. Bunu bacaran yeganə klub isə “Viktoriya” oldu. Çexiya təmsilçisi C qrupunda qarşısına çıxanı məğlub etdi. Maraqlıdı ki, plzenlilər ilk 5 oyunda yalnız 6 qol vurmuşdular. Başqa sözlə, Miroslav Koubekin komandası bütün oyunlarda bir top fərqi ilə qalib gəlmişdi. Nəhayət, “Viktoriya” qrupdakı son oyununda bu ənənəni pozdu. “Astana”nın qapısından 3 cavabsız top keçirən Çexiya klubu Qazaxıstan təmsilçisinin qrupda qalmasını qaçılmaz etdi. Nəticədə “Dinamo” avtomatik olaraq 2-ci yeri rəsmiləşdirdi. Mahir Emreli Xorvatiya nəhənginin “Ballkani” üzərindəki 3:0 hesablı qələbəsində heç bir rol oynamadı: yığmamızın hücumçusu əvvəldən axıradək ehtiyatda qaldı.

Sonda qrup mərhələsinin reqlamentini xatırladaq. Qrup qalibləri (Lill, Makkabi T-Ə, Viktoriya P, Brügge, Aston Villa, Fiorentina, PAOK, Fənərbaxça) birbaşa 1/8 finalda oynamaq hüququ qazandılar. 2-ci yeri tutanlar (Slovan, Gent, Dinamo, Bude/Qlimt, Legiya, Ferentsvaroş, Ayntraxt F, Ludoqorets) isə bu mərhələyə vəsiqə qazanmaq üçün Avropa Liqasının qruplarını 3-cü yerdə başa vuran komandalarla (Olimpiakos, Ayaks, Betis, Şturm, Yunion, Makkabi H, Servett, Molde) iki oyundan ibarət pley-offda qarşılaşacaqlar. Bu mərhələnin 8 qalibi 1/8 finalda oynayacaq. Pley-offun püşkü dekabrın 18-də atılacaq.

qrup mərhələsi, 6-cı tur
A qrupu
Lill (Fransa) - Klaksvik (Farer adaları) 3:0
Yazıcı, 29-p. Qomes, 86-p. Jeqrova, 90+6-p.
Lill: Mannone, İsmayli (Qudmundsson, 67), Yumtiti, Ribeyro, Tyaqo Santuş, Kabella, Bentaleb (Andre, 46), Unas (A.Qomes, 67), Yazıcı (Jeqrova, 67), Haraldsson (Vircinius, 84), Buaddi.

Slovan (Slovakiya) - Olimpiya (Sloveniya) 1:2
Blekmen, 27 Pedro Lukas, 17; 58.

1. Lill 6 4 2 0 10-2 14
2. Slovan 6 3 1 2 8-7 10
3. Olimpiya 6 2 0 4 4-9 6
4. Klaksvik 6 1 1 4 5-9 4

B qrupu
Zarya (Ukrayna) - Breydablik (İslandiya) 4:0
Gerrero, 2. Muminoviç, 11-öz qapısına. Miçin, 19. Qorbaç, 76.

Makkabi (Təl-Əviv, İsrail) - Gent (Belçika) 3:1
Kanixovski, 9. Zahavi, 24; 61 – De Sart, 49.

1. Makkabi T-Ə 6 5 0 1 14-9 15
2. Gent 6 4 1 1 16-7 13
3. Zarya 6 2 1 3 10-11 7
4. Breydablik 6 0 0 6 5-18 0

C qrupu
Viktoriya (Plzen, Çexiya) - Astana (Qazaxıstan) 3:0
Vlkanova, 58. Moskera, 67; 82.

Dinamo (Xorvatiya) - Ballkani (Kosovo) 3:0
Periç, 69. Petkoviç, 72; 77-p.

1. Viktoriya P 6 6 0 0 9-1 18
2. Dinamo 6 3 0 3 10-5 9
3. Astana 6 1 1 4 4-13 4
4. Ballkani 6 1 1 4 3-7 4

D qrupu
Brügge (Belçika) - Bude/Qlimt (Norveç) 3:1
Nusa, 26. Tyaqo, 58. Mexele, 89 - Pelleqrino, 57-p.

Luqano (İsveçrə) - Beşiktaş (Türkiyə) 0:2
Tosun, 36. Tərzi, 88.

1. Brügge 6 5 1 0 15-3 16
2. Bude/Qlimt 6 3 1 2 11-8 10
3. Beşiktaş 6 1 1 4 7-14 4
4. Luqano 6 1 1 4 6-14 4

E qrupu
Zrinski (Bosniya və Hersoqovina) - Aston Villa (İngiltərə) 1:1
Malekinuşiç, 87 – Zanyolo, 61.
Aston Villa: Marşall, A.Moreno (Din, 58), Torres (Karlos, 69), Konsa, Keş (Çambers, 69), Dendonker, Duqlas Luis, Remsi (Makqinn, 58), Zanyolo, Diabi (O’Rayli, 58), Duran.

Legiya (Polşa) - Alkmaar (Niderland) 2:0
Yuri Ribeyro, 34. Kramer, 81.

1. Aston Villa 6 4 1 1 12-7 13
2. Legiya 6 4 0 2 10-6 12
3. Alkmaar 6 2 0 4 7-12 6
4. Zrinski 6 1 1 4 6-10 4

F qrupu
Ferentsvaroş (Macarıstan) - Fiorentina (İtaliya) 1:1
Zaxariassen, 48 – Ranyeri, 73.
Fiorentina: Kristensen, Milenkoviç, Ranyeri, Parizi, Kayode, Barak, M.Lopes, Brekalo (Kuame, 63), Mandraqora (Nzola, 63), N.Qonsales (İkone, 20), Beltran.

Genk (Belçika) - Çukariçki (Serbiya) 2:0
Heynen, 21. Peyntsi, 57.

1. Fiorentina 6 3 3 0 14-6 12
2. Ferentsvaroş 6 2 4 0 9-6 10
3. Genk 6 2 3 1 8-5 9
4. Çukariçki 6 0 0 6 2-16 0

G qrupu
Aberdin (Şotlandiya) - Ayntraxt (Frankfurt, Almaniya) 2:0
Dak, 41. Sokler, 74.
Ayntraxt: Trapp (Qrehi, 46), Hasebe, Kox (Tuta, 75), Nkunku, Smolçiç, Baum, Götse (Knauff, 60), Dina Ebimbe (Aaronson, 9), Larsson, Hauqe, Nqankam (Ferri, 73).

PAOK (Yunanıstan) - HİK (Finlandiya) 4:2
Ozdoyev, 37. Konstantelias, 47. Toyvio, 53-öz qapısına. Murq, 85 – Raduloviç, 6. Hetemay, 90+2.

1. PAOK 6 5 1 0 16-10 16
2. Ayntraxt F 6 3 0 3 11-7 9
3. Aberdin 6 1 3 2 10-10 6
4. HİK 6 0 2 4 7-17 2

H qrupu
Fənərbaxça (Türkiyə) - Spartak (Slovakiya) 4:0
Kadıoğlu, 36. Takaç, 48-öz qapısına. Ceko, 59; 61.

Ludoqorets (Bolqarıstan) - Norşellann (Danimarka) 1:0
Petrovski, 79.

1. Fənərbaxça 6 4 0 2 13-11 12
2. Ludoqorets 6 4 0 2 11-11 12
3. Norşellann 6 3 1 2 17-7 10
4. Spartak 6 0 1 5 3-15 1

Bombardirlər: Zahavi (Makkabi T-Ə), Nyuqren (Norşellann), Orban (Gent) - 5.