Səudiyyə Ərəbistanı təmsilçisi ''Əl-Hilal'' adını futbol tarixinə yazdırmağa çox yaxındı.

Martın 5-də bu kollektiv Asiya Çempionlar Liqasının 1/4 finalının ilk oyununda öz meydanında Səudiyyə Ərəbistanının digər təmsilçisi ''Əl-İttihad''ı 2 cavabsız qolla məğlub etdi. Bu, ''Əl-Hilal''ın rəsmi oyunlarda ardıcıl 26-cı qələbəsi oldu! Seriya sentyabrın 25-də ölkə kuboku çərçivəsində ''Əl-Cabalain'' ilə səfər oyununda (1:0) start götürüb və hələ də davam edir. Portuqaliyalı Jorje Jezuşun çalışdırdığı ''Əl-Hilal'' hazırda 26 oyunluq qələbə seriyası ilə rekordçular sırasında 2-ci pillədə qərarlaşan ''Ayaks''ın göstəricisini təkrarlayıb. Ötən əsrin 70-ci illərin əvvəllərində qarşısıalınmaz olan Amsterdam nəhəngi 1971/72-də ardıcıl 26 oyunda qələbə qazanmışdı. Bu rekord təxminən 55 il davam etmiş və 2016-cı ildə Uels təmsilçisi - TNS adı ilə tanınan ''The New Saints'' tərəfindən yenilənmişdi. Bu komanda həmin ilin avqustun 14-dən dekabrın 30-na qədər olan müddətdə hamısı daxili turnirlərə təsadüf edən ardıcıl 27 rəsmi oyunda qələbə qazanmışdı! Göründüyü kimi indi ''Əl-Hilal'' tarixi bir göstəricinin astanasındadı. Bu komanda bu gün daxili çempionatın 23-cü turunda ''Əl-Riyad''ı məğlub edəcəyi təqdirdə TNS-in göstəricisini təkrarlayaraq. Futbol tarixinin yeni rekordçusu olmaq üçün isə ''Əl-Hilal'' martın 12-də ''Əl-İttihad'' ilə cavab oyununda da qalib gəlməlidi.

ƏLİ