“Bu həftə oyun olmasaydı, daha yaxşı olardı. Yenə də müraciət etmişdik ki, bu oyunu təxirə salsınlar. Proqramda təsdiqlənib deyə, bir az çətin olduğunu bildirdilər. Həm “Neftçi”, həm də “Qəbələ” ilə oyun təsdiqlənib. İki oyunun təxirə salınmasının çətin olduğunu dedilər”.

“İlk növbədə “Qarabağ”ı Avropa Liqasında mərhələ adlaması münasibətilə təbrik edir və hesab edirik ki, bu, Azərbaycan futbol tarixi üçün böyük uğurdu. Eyni zamanda klub rəhbərliyini, baş məşqçini, futbolçuları və digər heyət üzvlərini həm də klub tarixinin ən böyük nəticəsi münasibətilə təbrik edirik. O ki qaldı təxirəsalma məsələsinə, mövsümdən əvvəl biz bu məsələləri təkcə “Qarabağ”la yox, avrokuboklara vəsiqə qazanmış bütün klublarla müzakirə etmişik. Eyni zamanda çox hörmətli Qurban Qurbanovla da bu barədə məsləhətləşmə aparmışıq. “Qarabağ”ın martın 3-dən, yəni “Neftçi” ilə oyundan sonrakı turlarla bağlı müraciət etmək imkanı var idi. Bununla bağlı da klubla danışmışıq və ümumi məsləhətləşmədən sonra avrokubokların ilk və cavab oyununa əsasən təqvim təsdiqlənib, ictimaiyyətə təqdim olunub”.