"Artıq elitadan düşməməklə bağlı 20 faiz ümidimiz qalıb. Çempionat başlayandan bizə suallar veriləndə bildirmişdik ki, nəyi, nə zaman etmək lazım olduğunu bilirik. Elmar Baxşıyevi istefaya səsləməklə bağlı jurnalistlərdən dəfələrlə bizə suallar gəlirdi. Biz isə bildirmişdik ki, son məqama qədər gözləyəcəyik. Lakin ən yaxın rəqibimiz "Kəpəz"ə öz meydanımızda məğlubiyyət artıq hər şeyin üstündən xətt çəkdi. Elmar Baxşıyevə uğurlar arzulayırıq. Ona hörmətimiz sonsuzdu. Bizə kiçik büdcə ilə böyük uğurlar qazandırıb. Ancaq bizim üçün "Qəbələ"dən üstün heç nə yoxdu. Ona görə də Elmar müəllimi istefaya səslədik və bir gün sonra klub rəhbərliyi səsimizi eşitdi. İndiki məqamda biz azarkeşlərin üstünə düşən yeni gələn məşqçiyə dəstək olmaqdı. Artıq "Qəbələ"nin elitada qalması çox çətin görünür. Amma ümidimizi üzmürük. Son dəqiqəyə qədər komandaya dəstək olmağa davam edəcəyik. Onu da qeyd edim ki, bir məşqçi gedibsə, ətrafındakıların qalmasına da razı deyilik. Bütün məşqçilərin istefasını istəyirik. Bu barədə də münasibətimizi rəhbərliyə bildirəcəyik. Komandaya dəstək olacağıq. Elitadan düşəməmək üçün futbolçular, məşqçilər meydanda çalışacaq, biz isə tribunada yanlarında olacağıq. Hamımız bir yumruq olub komandanı elitada saxlamalıyıq".