"Biz köklü klubuq. Sovetlər dönəmindən Naxçıvanda futbol olub. "Araz Naxçıvan" istər aşağı, istərsə də güclülər dəstəsində çıxış edən zaman həmişə dəstəyimizi göstərmişik. Muxtar Respublika təmsilçisi premyer-liqada oynayanda Bakıda yaşayan naxçıvanlılar komandadan dəstəyini əsirgəməyib. Hər şeydən əvvəl "Araz Naxçıvan"ın yenidən elitada oynayacağına çox sevinirik. Bizim üçün əsas olan budu. Təbii, könül istərdi ki, premyer-liqaya qayıdışı doğma məkanımızda edək. Amma infrastruktur və stadion ilə bağlı bəzi problemlər var. Onları çempionatın startına qədər aradan qaldırılmasa, Bakıda çıxış edəcəyik. Düşünürəm ki, bununla "Araz Naxçıvan" azarkeşsiz qalmayacaq. Bakıda naxçıvanlı futbolsevərlər çoxdu. Ona görə doğma komandamıza dəstəyimizi nümayiş etdirəcəyik. Naxçıvan azarkeşləri futbola acdı. Ona görə də əsas olan peşəkar liqada təmsilçimizin yer almasıdı”.