Cari mövsümün sonunda "Araz-Naxçıvan"ın məxsus olduğu yerə, yəni Naxçıvana dönüb ev oyunlarını Muxtar Respublikada keçirməsinin şahidi ola bilərik.

"Football-plus.az" bu barədə informasiya əldə edib.

Mənbəmizin məlumatına görə, "qırmızı-ağlar"ın ötən mövsüm 1-ci divizionda çıxış edərkən meydana çıxdığı arenada təmir-bərpa işləri sürətləndirilib. Çünki Naxçıvan Futbol Federasiyası və klub rəhbərliyi komandanın ən azı mövsümün son turlarının matçlarını sözügedən stadionda keçirməsini arzulayır. Artıq bu yöndə müvafiq tapşırıqlar verilib və məsul qurumlar bütün diqqətini həmin məsələyə yönəldib.

Hətta problemlərin aradan qaldırılması, daha dəqiq desək, idman qurğusunun PFL-in tələblərinə uyğun hala gətirilməsi istiqamətində görüşlər keçirilir. Qeyd etdiyimiz kimi, həm federasiya rəsmiləri, həm də klub rəhbərliyi bu işlə ciddi məşğuldu.

İşiniz avand olsun! Gözləyək, görək nə olur.

KƏNAN BAHADIR