Naxçıvan şəhər stadionunun taleyi sual altındadı. İdman qurğusu "Araz-Naxçıvan"a məxsus olmadığından klub rəsmiləri də açıqlama verməkdən imtina edir.

Bəs Muxtar Respublika təmsilçisi nə vaxta qədər ev oyunlarını "Dalğa Arena"da keçirəcək? Stadionda təmir-bərpa işlərinə niyə hələ də start verilməyib?

Hər kəsi maraqlandıran sualları araşdırarkən bəzi məlumatlar öyrəndik. Deməli, sözügedən obyekt Naxçıvan Muxtar Respublikası Həmkarlar İttifaqı Şurasının balansındadı. Dövlət qurumu isə stadionu təmir etmək fikrində deyil. Əksinə, buranın sökülməsi və yerində park salınması planlaşdırılır. Digər tərəfdən, "Araz-Naxçıvan" üçün başqa ərazidə, ən müasir standartlara uyğun yeni stadion tikiləcək. Bunun üçün isə xeyli zaman və böyük miqdarda maliyyə vəsaiti tələb olunur.

Görünür, "Araz-Naxçıvan" ev oyunlarını hələ uzun müddət "Dalğa Arena"da keçirməli olacaq.

KƏNAN BAHADIR