“Forza Neftçi Azərbaycan futbol tribunasının nəbzini müəyyənləşdirir, mentallığını göstərir. “Forza Neftçi” tribunanın özüdü, dirəyidi. Bir an Azərbaycan tribunasını “Forza”sız təsəvvür edin. Edə bilmədiz, düzdü? “Forza Neftçi” 10 ildən çoxdu komandası uğursuz olan bir qrupdu, amma bu gün də ölkədə bir nömrədi. “Forza”nın tək bir ideologiyası var – “Neftçi”. Qalan bütün klubların həsədlə baxdığı bir tribunadı, qrupdu, ailədi. “Forza Neftçi” 15 ildi fəaliyyət göstərir və heç kimdən asılı deyil. 15 il ərzində 5-6 dəfə rəhbər, onlarla məşqçi dəyişikliyi olub. Belə asılılıq olsaydı, hər dəfə rəhbər dəyişəndə gərək “Forza” da dağılaydı. “Forza”nın asılı olmadığını görmək üçün sübuta belə ehtiyac yoxdu. Bu mövsüm də daxil olmaqla, hər mövsüm qrup rəhbərliyə etirazını bildirib. “Qarabağ”ın uğurları hər kəsə bəllidi, bunu danmırıq. Hansısa komanda bu gün dəbdə ola bilər, amma bu, reallığı dəyişmir. Şəxsən mən “Futbol+” qəzetində flaqman sözünü həmişə Neftçi ilə yanaşı oxumuşam. Başqa komandalara məhz bu adın verilməsi cəhdi də elə “Neftçi”nin böyüklüyünü göstərir. “Forza Neftçi” ölkədə bir nömrədi. İstənilən rəqiblə istər səfər, istərsə də ev oyununa baxmağınız kifayət edər ki, bu sualın cavabını tapasız. Klub rəhbərliyinin öz işi var, bizim öz işimiz. Onların fəaliyyətinə qarışmamaq lazımdır. Amma ardıcıl yanlış fəaliyyətlər zamanı rəhbərliyin qarşısında durmağı bacarırıq. Rəhbərlik işini düzgün və keyfiyyətli gördüyü zaman bizimlə hesablaşmağa ehtiyac da qalmaz”.