Bu gün “Neftçi”nin sadiq fanklubu “Forza Neftçi” üçün əlamətdardı.

Fanklub 15 yaşını qeyd edir. Təbii ki, “Forza Neftçi” 15 yaşının tamamında məyus olmaq istəmir. Amma “Neftçi” fanklubunu qələbə ilə sevindirə biləcəkmi?

İlk oyunun nəticəsini bakıklıların xeyrinə oldu – 3:2. İndi “Neftçi Arena”da cavab oyunu var. “Ağ-qaralar”ın üstün tərəf olduğu bəllidi. Həmçinin yarımfinala vəsiqə qazanmaqdan başqa yolunun olmadığı da! Sirr deyil ki, komandanın çempionluq xəyalı puç olub. Belədə gözlər haqlı olaraq kuboka dikilir...

Ki, “Forza Neftçi”nin bu matça xüsusi hazırlaşdığı haqda məlumat əldə etmişik. Fanklub komandanın qələbəsinə də, kubokda mübarizəni dayandırmasına da cavab verəcək! Seçim isə “Neftçi”nindi. Bakılılar yarımfinal mərhələsinə vəsiqə qazanaraq illərdi üzdüyü tərəfdarların könlünü alsa, bayram ab-havasına şahidlik edəcəyik. Əksi baş versə, yaşanacaqlar heç də ürəkaçan olmayacaq!

Yeri gəlmişkən, “Forza Neftçi” tribunalardakı 15-ci ilini fərqli keçirmək istəyir. Azarkeşlər komandanın Avropada keçirəcəyi oyunlarda sürprizlər etmək niyyətindədi. Artıq bunun üçün layihələr hazırlanır...

Görəsən, “Neftçi”nin tərəfdarlarını necə təbrik edəcək?

KƏNAN BAHADIR