Fevralın 2-3-də Kot d’İvuarda təşkil edilən 34-cü Afrika Millətlər Kubokunun (AMK) ikinci pley-off mərhələsinin oyunları keçirildi.

"Football-plus.az" xəbər verir ki, 1/4 finalın qalibləri Nigeriya, Konqo DR, Kot d’İvuar və Cənubi Afrika yığmaları oldu.

1/4 final
Nigeriya – Anqola 1:0
Lukmen, 41.
Nigeriya: Nvabali, Acayi, Troost-Ekonq, Bassi, Ayna, Onyeka (Aribo, 88), İvobi (Yussuf, 80), Sanusi, Simon, Osimhen (Onuaçu, 90+5), Lukmen (Omeruo, 90+5).
Anqola: Sinyori, Buatu, Qaşpar, Karneyru, Afonsu (Belya, 78), Şou, Fredi (Luvumbu, 66), Eştrela (Zini, 46), Jilberu (Paş, 66), Mabululu, Dala (Milson, 86).
Bir sıra komandaların mübarizəni dayandırmasından sonra çoxlarının əsas favorit gözü ilə baxdığı Nigeriya yığması Anqola üzərində əhəmiyyətli üstünlüyə malik oldu. Buna baxmayaraq, Joze Pezeyrunun komandası yalnız bir qolla qalib gəldi.

Konqo DR – Qvineya 3:1
Mbemba, 27. Vissa, 65-p. Masuaku, 82 – Bayo, 20-p.
Konqo DR: Mpasi, Kalulu, Mbemba, Pikel, Baka, Bonqonda (Kayembe, 84), Mutussami, Vissa (Tşibola, 84), Kalulu, Bakambyu (Banza, 72), Elia (Bamanqituka, 60).
Qvineya: Kone, İ.Silla (A.Ture, 59), Janvye, Diakabi, İ.Diakite (A.Konte, 90+1), Diavara (Qirassi, 69), S.Silla, Qilavoqi (F.Konte, 59), Keyta, A.Kamara, Bayo (Kamano, 90+1).
Hesabı penalti ilə Qvineya açsa da, heyəti daha güclü olan konqolular əzmkar qələbə ilə yarımfinala adladılar.

Mali - Kot d’İvuar 1:2, əlavə vaxtda
Dorqeles, 71 – Adinqra, 90. U.Diakite, 120+1.
Mali: Diarra, Amari Traore, Kuyate, Niakate, Sakko, Haydara (Dorqeles, 62), Samasseku (İ.Sissoko, 102), L.Kulibali (M.Fofana, 89), Adama Traore (F.Diabate, 62), Dumbiya (Bissuma, 90+7), Sinayoko (Bubakar Traore, 89).
Kot d’İvuar: Y.Fofana, Orye (Boli, 46), Kossunu, Ndika, Konan, Seri, S.Fofana (Adinqra, 86), Kessye, Pepe (Sinqo, 45+2), Qradel (U.Diakite, 73), Kuame (Alle, 46).
Qrupdan ən yaxşı 3-cü yeri tutan komandalardan biri kimi çıxmasına baxmayaraq, 1/8 finalda AMK-nın son çempionu olan Seneqalı mübarizədən kənarlaşdıran Kot d’İvuar yığması fantastik əzmkarlıq nümayiş etdirdi. Ev sahiblərinin qapıçısı Yahya Fofana 17-ci dəqiqədə Adama Traorenin penalti zərbəsini dəf etdi. Kossununun 43-cü dəqiqədə ikinci xəbərdarlığa görə meydandan qovulması malililərin işinə yaramaya bilməzdi. Dorqeles 71-ci dəqiqədə onları hesabda önə keçirdi. Lakin Emers Faenin əvəzləmələri meydan sahiblərinin oyunda dönüş yaratmasına səbəb oldu. Meydana ikinci hissədə daxil olan oyunçulardan Adinqra hesabı bərabərləşdirdi, Umar Diakite isə əlavə vaxtın sonunda Kot d’İvuarın inanılmaz qələbəsini təmin etdi.

Kabo Verde – Cənubi Afrika 0:0, p. – 1:2
Kabo Verde: Vozinya, Moreyra, Koşta, Lopeş, Paulu, Monteyru (Tavareş, 87), Lenini (Semedu, 65), Santuş (Teyşeyra, 118), Kabral (Duarte, 87), Mendeş (Andrade, 65), Rodrigeş (Bebe, 72).
Cənubi Afrika: Uilyams, Modiba, Mvala, Kekana, Mudau (Mobbi, 103), Mokoena, Morena (Maseko, 63), Zvane (Adams, 91), Sitxoul, Makqopa (Lepasa, 103), Tau (Mayambela, 85).
Əvvəlki mərhələdə Mərakeş yığmasına qalib gələn (2:0) Cənubi Afrika Kabo Verde səddini çətinliklə keçdi. Qolsuz başa çatan matçın qəhrəmanı Uilyams oldu. O, oyundan sonrakı penalti seriyasında rəqibin “Qarabağ”ın yarımmüdafiəçisi Andrade də daxil olmaqla 4 (!) oyunçusunun zərbəsini dəf edərək adını AMK-nın tarixinə rekordçu kimi yazdırdı.
Bombardirlər: Nsue (Ekvatorial Qvineya) – 5, Dala (Anqola), Məhəmməd (Misir) – 4.
Fevralın 7-nə təyin olunan yarımfinal oyunlarında cütlər belə formalaşıb: Nigeriya – Cənubi Afrika, Kot d’İvuar - Konqo DR.