Yanvarın 27-də Kot d’İvuarda keçirilən 34-cü Afrika Millətlər Kubokunun (AMK) pley-off mərhələsinə start verildi.

"Football-plus.az" xəbər verir ki, iki gün ərzində keçirilən oyunlardan sonra Anqola, Nigeriya, Qvineya və Konqo DR yığmaları 1/4 finalda oynamaq hüququ qazandı.

1/8 final
Anqola – Namibiya 3:0
Dala, 38; 41. Mabululu, 66.
Anqola: Neblu, Buatu, Qaşpar, Karneyru, Afonsu, Şou, Ribeyru (Kelianu, 69), Eştrela (Sinyori, 20), Mabululu (Bela, 84), Jilberu (Zini, 69), Dala (Zitu, 84).
Namibiya: Kazapua, Xanamub, Amutenya (Gebhardt, 60), Haukonqo, Kamberipa, Kauta (Şitembi, 60), Xotto, Petrus, Şalulile, Tciueza (Limbondi, 23), Muzeu (Kambati, 70).
Gözlənildiyi kimi, Anqola qitə çempionatının pley-offuna ilk dəfə çıxan Namibiya səddini keçməkdə çətinlik çəkmədi. Hərçənd Buakye şəhərində keçirilən matçın əvvəli heç də anqolalıların istədiyi kimi alınmadı. 17-ci dəqiqədə onların qapıçısı Neblu topa cərimə meydançasından kənarda toxunduğuna görə dərhal qırmızı vərəqə ilə cəzalandı. Maraqlıdı ki, meydanda on nəfərlə qalan Pedru Qonsalveşin komandası 38-ci dəqiqədə Dalanın zərbəsi ilə hesabı açdı. İki dəqiqə sonra növbəti xəbərdarlığı alan namibiyalı müdafiəçi Haukonqo da meydanı tərk etdi. Dərhal hücum quran anqolalılar üstünlüyünü artırdılar. Dala bu dəfə də Ribeyrunun ötürməsi ilə ikinci qolunu vurdu. Fasilədən sonra hesabı darmadağın həddinə çatdıran Anqola yığması 1/4 finalın ilk iştirakçısı oldu.

Nigeriya – Kamerun 2:0
Lukmen, 36; 90.
Nigeriya: Nvabili (Uzoho, 79), Azayi, Troost-Ekonq, Bassi, Ayna, Onyeka, İvobi, Sanusi (Omeruo, 79), Simon (Osayi-Semuel, 90), Osimhen (Onuaçu, 90), Lukmen.
Kamerun: Ondoa, Kastelletto, Vu, Qonsales (Abubakar, 77), Nqamalyo (Çato, 87), Ntşam, Zambo Angissa, Tolo, Tolo Ekambi (Mumbanya, 90), Maqri, Nkudu.
Abican şəhhərində keçirələn matçda da favorit statusunu daşıyan komanda qalib gəldi. Nigeriya – Kamerun duelinin nəticəsini iki qol müəyyənləşdirdi. Hər iki halda “Atalanta”nın hücumçusu Lukmen qapıya yol tapdı. Bütün oyun komponentlərində üstün olan Nigeriya növbəti mərhələdə Anqola ilə qarşılaşacaq.

Ekvatorial Qvineya – Qvineya 0:1
Bayo, 90+8.
Ekvatorial Qvineya: Ovono, Akapo, Obyanq, Koko, Ndonq, Bikoro, Qanet, Savador, Buyla (Nlavo, 84), Maçun, Nsue.
Qvineya: Kone, İ.Silla, Janvye, Diakabi, Diakite, Diavara, Konate (Keyta, 79), Qilavoqi (Qirassi, 60), A.Kamara, S.Silla (Kamano, 79), Bayo.
Derbi xarakerli matçın favoriti A qrupunda Nigeriya və Kot d’İvuar yığmalarını qabaqlayaraq 1-ci yeri tutan Ekvatorial Qvineya idi. Lakin mərhələni Qvineya adladı. Necə? Matçın əvvəlində oyun planında üstünlük Ekvatorial Qvineyada idi. Lakin yarımmüdafiəçisi Bikoronun 55-ci dəqiqədə kobud oyuna görə qarşısında birbaşa qırmızı vərəqə görməsi bu komandanın planlarını çətinə saldı. Bununla belə, Xuan Miçanın komandası ikinci hissədə penalti vurmaq hüququ qazandı. Ancaq AMK-da 5 qol vuran hücumçu Nsuenin zərbəsi dirəyə dəydi. Bundan sonra yorğunluq amili rəqbin işinə yaramağa başladı. Son saniyələrdə Bayonun vurduğu qol Qvineyanı növbəti mərhələyə çıxardı.
Misir – Konqo DR 1:1, p. – 7:8
Məhəmməd, 45+1-p. – Elia, 37.
Misir: Qabaski, Hani, Abdelmonem, Heqazi, Fatuh (Hamdi, 46), Elneni (Laşin, 112), Attia (Hamada, 83), Zizo (M.Fəthi, 90+1), H.Fəthi (Kamal, 100), Trezeqe (Marmuş, 83), Məhəmməd.
Konqo DR: Mpasi, Kalulu, Mbemba, Batubinsika (İnonqa, 65), Masuaku, Bonqonda, Mutussami, Pikel (Tşibola, 79), Elia (Dianqana, 105+2), Vissa (Mvumpa, 88), Bakambyu (Banza, 65).
Bazar günü daha bir favorit mübarizəni dayandırdı. Aparıcı oyunçusu Salahdan zədəyə görə yararlana bilməyən Misir yığması Konqo DR ilə uzun sürən matçdan sonra labüd olan penalti seriyasında uduzdu. Ədalət naminə konqoluların matçın böyük hissəsində qələbəni daha çox istəyən komandaya bənzədiyini və Hamdinin 97-ci dəqiqədə növbəti xəbərdarlığa görə misirliləri meydanda azlıqda qoyduğunu da qeyd edək.
Kabo Verde – Mavritaniya 1:0
Menves, 88-p.
Seneqal - Kot d’İvuar 1:1, p. – 4:5
Diallo, 4 – Kessye, 86-p.
Mali – Burkina Faso, Mərakeş – Cənubi Afrika oyunları bu gün keçiriləcək.