Tezliklə həm Afrikanın, həm də Asiyanın yığma səviyyəli əsas futbol turnirləri start götürəcək.

"Football-plus.az" xəbər verir ki, təbii ki, dünyanın aparıcı futbol liqalarında yarışan klublar uzun müddətə yığma oyunçularının xidmətindən məhrum olacaq. Əvvəlcə İngiltərə premyer-liqasına nəzər salaq.

Premyer-liqanın az qala bütün klubları mövsümün ortasında oyunçularını iki beynəlxalq turnirə göndərməyə məcburdu: Afrika Millətlər Kuboku 13 yanvar – 11 fevral aralığında Kot-d'İvuarda keçiriləcəksə, Asiya Kubokunun oyunlarını 12 yanvar – 10 fevral aralığında Qətər qəbul edəcək.
Yığma səviyyəli turnirlərin bəzi Avropa liqalarında qış tətilinə təsadüf etməsinə baxmayaraq, İngiltərə klubları bir neçə həftəliyə ulduzlarının xidmətindən məhrum olacaq. Afrika Millətlər Kubokunda Anqola, Əlcəzair, Burkina-Faso, Kamerun, Kabo-Verde, Konqo DR, Qvineya, Qvineya-Bisau, Kot-d'İvuar, Mavritaniya, Mərakeş, Namibiya, Nigeriya, Seneqal, CAR, Tunis, Misir, Ekvatorial Qvineya, Qaçbiya, Qana, Mali, Zambiya və Tanzaniya yığmaları çıxış edəcək. Asiya Kubokuna isə Avstraliya, İraq, Malayziya, Koreya, Çin, Honkonq, Hindistan, İndoneziya, Qırğızıstan, Livan, Qətər, Suriya, Tacikistan, BƏƏ, Vyetnam, Bəhreyn, İran, Yaponiya, Oman, Fələstin, Səudiyyə Ərəbistanı, Tayland və Özbəkistan yığmaları qatılacaq.

Premyer-liqa klublarının minimum iki həftə ərzində köməyindən yararlana bilməyəcəyi futbolçuların siyahısı belədi:
“Şeffild Yunayted” – Yasser Larusi (Əlcəzair), Anis Sliman (Tunis);
“Luton” – İssa Kabore (Burkina-Faso);
“Everton” – İdrissa Quye (Seneqal);
“Brentford” – Saman Qoddos (İran), Kim Çji Su (Koreya), Frenk Onyeka (Nigeriya), Yoan Vissa (Konqo DR);
“Nottingem Forest” – Ola Ayna (Nigeriya), Serj Orye, Villi Boli, İbrahim Sanqare (hamısı Kot-d'İvuar), Mussa Niakate (Seneqal);
“Fulhem” – Fode Ballo-Ture (Seneqal), Kelvin Bassi, Aleks İvobi (hər ikisi Nigeriya);
“Kristal Pelas” – Cordan Ayyu (Qana), Şeyk Dukure (Mali);
“Bornmut” – Danqo Uattara (Burkina-Faso), Entoyn Semenyo (Qana);
“Vulverhempton” – Xvan Xi Çan (Koreya), Yustin Hübner (İndoneziya), Rayan Ait-Nuri (Əlcəzair), Bubakar Traore (Mali);
“Çelsi” – Nikolas Cekson (Seneqal);
“Brayton” – Simon Adenqra (Kot-d'İvuar), Tarik Lempti (Qana);
“Mançester Yunayted” – Sofyan Amrabat (Mərakeş), Amad Diallo (Kot-d'İvuar), Andre Onana (Kamerun);
“Vest Hem” – Nayef Agerd (Mərakeş), Məhəmməd Kudus (Qana);
“Tottenhem” – İv Bissuma (Mali), Son Hın Min (Koreya), Pap Matar Sarr (Seneqal);
“Arsenal” – Məhəmməd Elneni (Misir), Tomas Parti (Qana), Takehiro Tomiyasu (Yaponiya);
“Aston Villa” – Bertran Traore (Burkina-Faso);
“Liverpul” – Vataru Endo (Yaponiya), Məhəmməd Salah (Misir).
“Nyukasl”, “Mançester Siti” və “Bernli”nin bu iki turnirə qatılacaq futbolçusu yoxdu.
Bəs İspaniya La Liqasında bu baxımdan vəziyyət necədi?
“Jirona” – İbraima Kebe (Mali);
“Atletiko” – Reynildo (Mozambik);
“Atletik” – İnyaki Uilyams (Qana);
“Real Sosyedad” – Amari Traore (Mali), Umar Sadik (Nigeriya), Takefusa Kubo (Yaponiya);
“Betis” – Abde Ezzalzuli (Mərakeş), Şadi Riad (Mərakeş), Yussuf Sabali (Seneqal);
“Valensiya” – Muktar Diakabi (Qvineya), Səlim Amalla (Mərakeş);
“Las-Palmas” – Omenike Mfulu (Konqo DR), Saul Koko (Ekvatorial Qvineya), Sori Kaba (Qvineya);
“Rayo Valyekano” – Bebe (Kabo-Verde), Pate Siss (Seneqal);
“Vilyarreal” – Aissa Mandi (Əlcəzair);
“Malyorka” – Omar Maskarel (Ekvatorial Qvineya), Amat Ndiaye (Seneqal);
“Alaves” – Xesus Ovono (Ekvatorial Qvineya), Abdel Abkar (Mərakeş);
“Sevilya” – Yussef Ən-Nəsiri (Mərakeş);
“Kadis” – Rominq Kuame (Mali), Mamadu Mbaye (Seneqal);
“Selta” – Jonatan Bamba (Kot-d'İvuar);
“Qranada” – Famara Dyedyu (Seneqal);
“Almeriya” – İddrisu Baba (Qana), Ubulan Mendes, Marsianu Sanka (hər ikisi Qvineya-Bisau), Dyon Lopi (Seneqal).
La Liqa klublarından dördü – “Real”, “Barselona”, “Osasuna” və “Xetafe” nə Afika Millətlər Kubookuna, nə də Asiya Kubokuna futbolçu göndərəcək.