“Qax”la yoxlama oyunu keçirdik və 8:0 hesabıyla qalib gəldik. Birinci və ikinci liqa arasında fərq var. İkinci yoxlama oyunumuzu keçirdik, baxışa gələn oyunçular var idi, onlara baxırdıq. Yoxlama oyunlarında hesaba önəm vermirik. Əsas odu ki, hansı üslubda oynayırıq və uşaqlar tapşırıqları necə yerinə yetirir? İkinci liqa komandasına qarşı oynamağımıza hansısa qiymət verməyimiz düz olmaz. Qax komandası yeni yığılıb, yaxşı oyunçuları var. Bildiyimə görə, rəqibin ilk yoxlama oyunu idi, onlar da heyyəti komplektləşdirməyib. Bu oyunla nə rəqibə, nə də bizə qiymət vermək olar. Komandanın yaxşı və pis tərəflərini güclü rəqiblə oynayanda bilmək olur. Amma təəssüf ki, biz hələ elə bir oyun keçirə bilməmişik. Transfer eləmək fikrimiz var. Keyfiyyətli oyunçu düşsə, transfer edərik, olmasa, bu heyətlə davam edəcəyik. Uşaqların əksəriyyəti gəncdi və premyer-liqa təcrübəsi yoxdu. Bunların hamısında səhv olması normaldı. Səhvləri düzəltmək üçün ilk növbədə keyfiyyətli futbolçuların olması vacibdi. Yaxşı futboçular var. Amma təəssüf ki, onlar da hansısa komandalardadı, gətirmək asan iş deyil”.