"Bildiyiniz kimi, maliyyə sıxıntılarımız var deyə, səfərə yollanıb yoxlama oyunları keçirə bilmirik. Çoxları da məsafənin uzaqlığına görə Zaqatalaya gələ bilmir. Ona görə "Sabah"ın U-19 komandasıyla yoxlama görüşü bizim üçün çox vacib idi. Oyuna formalaşdıracağım əsas heyətlə çıxdıq. İlk yarıda yaxşı oynadıq və fasiləyə öndə yollandıq. 2-ci hissədə baxışda olan gənc oyunçuları meydana buraxdım. Nəticədə iki qol buraxmaqla məğlub olduq. Nəticə önəm daşımır. Əsas istəyim heyətə dəvət etdiyim gənc futbolçuların özünü göstərməsi, fiziki formanı bərpa etmək və istirahətdən sonra futbolçularımın meydanda bir-biriylə anlaşmasına nail olmaq idi. Bu gün yetirmələrimdən razı qaldım. Düşünürəm ki, bir qədər də üzərimizdə işləsək, çempionata hazır ola biləcəyik".