"Evdə yaxşı oynamağımıza baxmayaraq, uduzduq" - Bedri Meriç
"İkinci dövrənin startında ardıcıl üç güclü rəqib ilə oynadıq. Təəssüf ki, bu oyunlarda uğur qazana bilmədik”.
"Football-plus.az" xəbər verir ki, bunu "Gəncə" basketbol klubunun baş məşqçisi Bedri Meriç deyib.
ABL-nın 12-ci turunda "NTD-İndiqo"ya 80:94 uduzan mütəxəssis bildirib ki, yaxşı mübarizələrinin qarşılığını almaq istəsələr də, alınmayıb:
“Evdə yaxşı oynamağımıza baxmayaraq, uduzduq. Hücum ribaundları amili yenə əleyhimizə işlədi. Rəqibə 24 belə şans verdik. Bu, böyük bir rəqəmdi. Belə olanda sənin qalib gəlməyin çətinləşir. Rəqib yerli oyunçularından böyük dəstək aldı. Ümid edirəm ki, çalışaraq yaxşı olacağıq. Ruhdan düşməməliyik. Sona qədər mübarizə aparmalıyıq. Başqa yolumuz yoxdu".
Qeyd edək ki, “Gəncə” 12-ci turdan sonra 15 xalla 9-cu pillədə qərarlaşıb.
Digər xəbərlər
