Ötən mövsüm basketbol üzrə ölkə kubokunun qalibi olan “Gəncə”də son günlər kütləvi ayrılıq baş verib.

Klub 4 əcnəbi və 5 yerli oyunçu, həmçinin baş məşqçi Meylyunas Qediminas ilə yolları ayırıb. Legionerlərdən amerikalılar Kolin Törner, Cared Smoll, Cordan Endryus və Kalne Qadi, yerlilərdən Amil Həmzəyev, Cəbrayıl Əkbərov, Vüqar Məmişov, İslam Rzayev və Əkbər Məmmədov gedib.

“Football-plus.az” saytına daxil olan məlumata görə, komanda ötən mövsümdəki büdcəsini qoruyacaq və yeni mövsüm üçün heyət quracaq. Ayrılan oyunçulardan Cəbrayıl Əkbərov həqiqi hərbi xidmət çəkəcəyi üçün “Sərhədçi”yə keçib. Amil Həmzəyev isə ailə məsələrinə görə “Baku Qesko”yla anlaşıb. Artıq kollektivi çalışdıracaq mütəxəssisin də adına aydınlıq gəlib. Belə ki, “Gəncə”yə 40 yaşlı türkiyəli Levent Bedri Meriç rəhbərlik edəcək. O artıq klub rəhbərliyi ilə anlaşıb, hətta transfer çalışmalarına da başlayıb. Meriç heyətə bir türkiyəli basketbolçu qatmağı da planlaşdırır. Türkiyəli mütəxəssisin son klubu “Ankaragücü” olub.

CAVİD ƏLİYEV