Kataloniyanın kiçik təmsilçisi bu mövsüm böyükdən daha yaxşı təsir bağışlayır.

"Football-plus.az" xəbər verir ki, “Jirona” “Atletiko”nu məğlub etməklə iddiasını bir daha ortaya qoydu. Miçelin komandası 1-ci dövrədə yalnız “Real”a uduzdu ki, bunu da qanunauyğunluqlda daha çox təsadüf kimi qiymətləndirməliyik. “Barselona” “Las-Palmas”la oyunda 3 xalı çətinliklə qazandı. Elə “Real” da “Malyorka” önündə əziyyət çəkdi. Balerarlılar bir qədər dəqiq oynasaydı, ən azı 1 xal qazana bilərdi. Səfərdə “Sevilya”nın öhdəsindən asanlıqla gələn “Atletik” sözün yaxşı mənasında təəccübləndirdi. “Real Sosyedad” kiçik bask derbisində - “Alaves”lə ev oyununda məğlubiyyətdən çətinliklə qurtuldu. Bu dəfə səfərdə “Osasuna”ya uduzan “Almeriya” hələ də ilk qələbəyə həsrətdi və İspaniya antirekorduna yaxınlaşmaqdadı. “Selta” “Betis” üzərində əzmkar qələbə qazandı, “Qranada” “Kadis”i təhlükəli zonaya göndərdi. “Valensiya” “Vilyarreal”ı “Mestalya”dan əliboş yola saldı. Nəhayət, kiçik Madrid derbisində “Rayo Valyekano”ya uduzan “Xetafe” həm də üç oyunçusunun – Latasa, Qrinvud və Suaresin qırmızı vərəqə almasına üzüldü.

19-cu tur
Jirona – Atletik 4:3
Fernandes, 2. Savio, 26. Blind, 39. Martin, 90+1 – Morata, 14; 44; 54. (13804)
Jirona: Qassaniqa, Qutyerres, Blind, E.Qarsiya, Kouto, Torre (Martines, 67), Fernandes (Solis, 59), A.Qarsiya, Martin, Savio (Portu, 89), Dovbik (Stuani, 67).
Atletiko: Oblak, Lino (Molino, 46), Ermoso, Vitsel, Ximenes, Rikelme (Korrea, 77), De Paul (Depay, 86), Koke, Lyorente, Qrizmann (Saul, 89), Morata (Aspilikueta, 89).
Real Malyorka 1:0
Rüdiger, 78. (72394)
Real: Lunin, F.Qarsiya, Çuameni, Rüdiger, Karvaxal, Bellingem, Kroos (Xoselu, 67), Modriç (Sebalyos, 85), Valverde, Vinisius (Dias, 60), Rodriqo (Vaskes, 85).
Las-Palmas Barselona 1:2
Munir, 12 – Torres, 55. Gündoğan, 90+3-p. (31712)
Barselona: Penya, Balde, Kunde, Arauxo, Kanselo (Kristensen, 11), Roberto (Lopes, 78), Gündoğan, De Yonq, Torres (Roke, 78), Rafinya (Yamal, 72), Levandovski (Feliş, 72).
Sevilya – Atletik 0:2
Vesqa, 30. Paredes, 76. (28366)
Real Sosyedad Alaves 1:1
Subimendi, 90+6 Rioxa, 76-p. (34051)
Xetafe Rayo Valyekano 0:2
Kamelyo, 45+1; 47. (11204)
Valensiya Vilyarreal 3:1
Yaremçuk, 4. Pepelu, 27-p.; 57-p. J.Moreno, 73. (44793)
Qranada Kadis 2:0
Uzuni, 22. Saraqosa, 70. (17732)
Selta Betis 2:1
Aspas, 16-p. Svedberq, 90+6 Ruibal, 6. (21105)
Osasuna Almeriya 1:0
Budimir, 27. (20391)
1. Real 19 15 3 1 40-11 48
2. Jirona 19 15 3 1 46-24 48
3. Barselona 19 12 5 2 36-22 41
4. Atletik 19 11 5 3 36-19 38
5. Atletiko 19 12 2 5 39-23 38
6. Real Sosyedad 19 8 8 3 30-19 32
7. Betis 19 6 10 3 21-20 28
8. Xetafe 19 6 8 5 24-25 26
9. Valensiya 19 7 5 7 22-23 26
10. Las-Palmas 19 7 4 8 16-17 25
11. Rayo Valyekano 19 5 8 6 18-24 23
12. Osasuna 19 6 4 9 22-29 22
13. Vilyarreal 19 5 4 10 27-38 19
14. Malyorka 19 3 9 7 17-23 18
15. Alaves 19 4 5 10 15-25 17
16. Sevilya 19 3 7 9 23-27 16
17. Selta 19 3 7 9 20-29 16
18. Kadis 19 2 9 8 14-26 15
19. Qranada 19 2 5 12 22-40 11
20. Almeriya 19 0 5 14 19-43 5
Bombardirlər: Bellingem (Real) - 13, Morata (Atletiko), Mayoral (Xetafe) – 12, Qrizmann (Atletiko), Dovbik (Jirona) - 11.
Növbəti turun oyunları yanvarın 12-14-ü aralığında keçiriləcək: Sevilya – Alaves, Las-Palmas – Vilyarreal, Malyorka – Selta, Atletik – Real Sosyedad, Betis – Qranada, Almeriya – Jirona, Kadis – Valensiya.
Turun “Barselona” – “Osasuna”, “Atletiko” – “Rayo Valyekano”, “Xetafe” – “Real” oyunları yanvarın sonunda keçiriləcək.

Turun rəqəmi
46 – “Jirona” 1-ci dövrədə hamıdan çox qol vurub. Bu həm də La Liqada son 62 ilin əm yaxşı nəticəsidi, amma “Real”, “Barselona” və “Atletiko”nu çıxmaq şərti ilə. 1961/62 mövsümündə “Saraqosa” 19 turdan sonra 62 qol vurmuşdu.

Turun ulduzu
Alvaro Morata (Atletiko) – bəli, bəzən elə olur ki, sənin het-trikin heç-heçə üçün də yaramır. Müdafiədə inanılmaz boşluqlar olmasaydı, “hindular” Jironadan ən azı 1 xal aparacaqdı. Amma İspaniya yığmasının forvardının qəhrəmanlığına baxmayaraq, onlar 3:4 uduzdular.

Turun sitatı
Kirian Rodriges, “Las-Palmas”ın yarımmüdafiəçisi: “Ümid edirəm ki, hakimlərin bütün danışıqları açıqlanacaq. Ötən həftə bizə izahat vermədilər. Bu gün də. Qeyri-normal haldı, xoşumuza gəlmir. Qaydalar hamı üçün eyni olmalıdı. Hakimlər mümkün qədər nadir hallarda ön plana çıxmalıdı. İndi onlar oyunçulardan daha çox baş rolda olurlar”.

Fakt
“Real” bütün turnirlərdə evdəki məğlubiyyətsiz oyunlar seriyasını 19-a (16 qələbə, 3 heç-heçə) çatdırdı. Bununla da Madrid klubu Karlo Ançelottinin dönəmində qeydə alınan klub rekordunu təkrarladı. “Real” 2022-nin aprelindən 2023-ün fevralına qədər olan müddətdə də 19 oyunda uduzmamışdı (14 qələbə, 5 heç-heçə).