"90 dəqiqə eyni oyunu onlardan tələb edə bilməzdim"
Misli premyer-liqasının 19-cu turunda "Qarabağ" "Araz-Naxçıvan"ı məğlub edib - 3:1.
"Football-plus.az" xəbər verir ki, matçdan sonra ağdamlıların çalışdırıcısı Qurban Qurbanovun mətbuat konfransı keçirilib. Sizi onun fikirləri ilə tanış edirik:
"Futbolçularımı təbrik edirəm. Baxmayaraq ki, formaların bərpa etməyiblər. Amma intizmlı oynadılar. 90 dəqiqə eyni oyunu onlardan tələb edə bilməzdim. Qarşımızda sürətli oyunçuları olan kollektiv var idi. Belə havada oynamaq çətin idi, amma intizamlı oyun oldu. Azarkeşlərə təşəkkür edirəm ki, bizi tək buraxmadılar".
- Aleksey İsayevin çıxışı sizi qane etdi?
- Razı qaldım. Qısa zamanda komandaya uyğunlaşıb. Qarşıdakı vaxtda daha dinamik oyunçu görmək istəyirik. Ondan tələblərimiz olacaq.
- Bəlkə də tezdi bu haqda danışmağa, amma "Qarabağ" "Braqa" ilə oyuna hazırdımı?
- Qarşıdakı oyunlara hazırlığımızı davam etdiririk. Bu komandaların içində "Braqa" da var. Həmin oyuna qədərki matçlarda da yaxşı çıxış etməliyik. Komandanı həmin oyuna qədər fiziki cəhətdən hazır etmək istəyirik.
- "Qarabağ"ın hazırlığı xaricdə keçməməsinin komandaya mənfi təsiri oldu?
- Təsir ancaq yaxşı tərəfdən oldu. Oyunçular il boyu gərgin çıxış etdilər. Avropa Liqasında tələblər böyük idi. Oyunçularda psxoloji yorğunluq var idi. Bakıda qalmağımız oyunçulara yaxşı təsir etdi. Onlar ailələri ilə daha çox vaxt keçirdi. Antalyada olsaydıq hazırlıq da başqa olardı. Oyunçular indiki qədər psixoloji hazır olmazdılar.
- Diakabinin komandada gələcəyi necə olacaq? Ayrılma ehtimalı var?
- Hələ ki, müqaviləsi var.
Digər xəbərlər
