“90 dəqiqə gözəl hücum futbolu oynadıq”
Misli premyer-liqasında 34-cü tura yekun vurulub.
“Football-plus.az” xəbər verir ki, “Sumqayıt” “Sabah”ı qəbul edib - 0:4. Oyundan sonra qonaqların çalışdırıcısı Murad Musayevin mətbuat konfransı keçirilib. Sizi mütəxəssisin fikirləri ilə tanış edirik:
“Vacib oyun idi. Futbolçular öz peşəkarlıqlarını göstərdilər. Baxmayaraq, oyun turnir cədvəli baxımından formal xarakter daşıyırdı. 90 dəqiqə gözəl hücum futbolu oynadıq. Uşaqlara təşəkkür edirəm. Oyunu udduğumuza görə demirəm, hakim yaxşı oyuna imkan verdi. Hər xırda epizodlara görə oyunu dayandırmadı”.
- Aleksey Kaşuku komandada saxlamaq perspektivləri necə olacaq?
-Cavab vermək çətindi. Onu komandada saxlamaq istəyirik. Amma "Şaxtyor"a məxsusdu və ola bilər ki, onu geri qaytarsınlar. Heyətdə saxlamaq istəyirik, amma hələ yeniliklər yoxdu.
- Hansı mövqelərə oyunçu axtarırsız?
- Hər mövqeyə oyunçu istəyirik. Ümid edirəm ki, təlim-məşq toplanışına qədər əsas oyunçuları transfer edə biləcəyik. Futbolçuların Azərbaycana gəlməsi çətindi.
- Rusiyada kifayət qədər nüfuzunuz var. Orada olan hansısa oyunçunu "Sabah"a gətirməyi düşünürsüz?
-Bir-iki belə futbolçu var ki, danışırıq. Rusiyada məvaciblər burdan yüksəkdi. Yenə də danışıqlar aparırıq.
Digər xəbərlər
