Qurban Qurbanov: "Gent"lə oyuna tam hazır deyilik"
Misli premyer-liqasında 20-ci turun oyunları keçirilir.
"Qarabağ" "Şamaxı"nı məğlub edib - 3:1. Matçdan sonra meydan sahiblərinin çalışdırıcısı Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:
"Futbolçularımı təbrik edirəm. Çox vacib 3 xal qazandıq. Bu gün istədiyimiz idman formasında deyilik. İstərdim ki, futbolçular topla daha düzgün, tez rəftar etsinlər. Təşkilatlanmış komandaya qarşı oynayırdıq. Futbolçular diqqətli oynadı. Sadəcə son qolda diqqətsizlik oldu. “Şamaxı”ya uğur arzulayıram. Futbolçularımı təbrik edirəm".
- Komandanızı “Gent”lə oyunlara hazır hesab edirsiz?
- Hələ yox. Qarşıda bir neçə oyun var. Həmin matça heyəti tam müəyyənləşdirməyə, fiziki və texniki durumu yaxşılaşdırmağa çalışacağıq. İndi tam hazır deyilik.
- Fevralın 2-nə qədər qapıçı transferini reallaşdırmağa çalışacağınızı demisiz. Bizdə transfer pəncərəsi daha gec bağlanır...
- Fevralın 2-nə qədər sifariş ərizəsini UEFA-ya təqdim etməliyik. Ona kimi transferi yekunlaşdırmağa çalışacağıq.
