“Nyukasl” rəhbərliyi maliyyə problemini tezliklə həll etməyi planlaşdırır. Bunun üçün bir neçə futbolçunun satılması zəruridi.

Komandanın aparıcı müdafiəçilərindən Kiran Trippyer “Bavariya”nın hədəfindədi. Amma İngiltərə klubu münhenlilərin ilkin təklifini rədd edib.

“Sky Sports”un məlumatına görə, artıq klublar ingiltərəli futbolçunun transferi ilə bağlı danışıqların 2-ci mərhələsinə başlayıb. “Nyukasl”ın maliyyə çətinlikləri fonunda əlavə vəsait əldə etmək üçün Trippyeri yaxşı qiymətə satmağa hazır olduğu bildirilir. Yeri gəlmişkən, 33 yaşlı oyunçu bu mövsüm premyer-liqada 19 matçda meydana çıxıb və 7 məhsuldar ötürmə verib.