Azərbaycan yığmasının və "Qarabağ"ın sabiq üzvü, hazırda isə "İrəvan"ın formasını geyən Elvin Yunuszadə son iki oyunda komandasının heyətində gözə dəymir.

"Football-plus.az" saytı xəbər verir ki, 31 yaşlı futbolçu sonuncu dəfə 10-cu turda – dekabrın 6-da keçirilən “Karvan”la səfər oyununda meydana çıxıb. “İrəvan” 0:2 uduzub, Elvin isə Yevlax stadionunun giriş qapısına ziyan vurduğuna görə AFFA İntizam Komitəsi tərəfindən cəzalanıb.

Kapitan nə 11-ci turun "Qaradağ Lökbatan"la oyununda, nə də kubokda "Araz-Naxçıvan" önündə darmadağın olduqları qaşılaşmada meydana çıxıb. Adı heç iştirak ərizəsinə də salınmayıb. Təcrübəlii futbolçunun hansı səbəbdən kənarda qalması barədə klub rəhbərliyi də məlumat verməyib. Bu məsələ ilə Elvinə dəfələrlə zəng etsək də, dəstəyi qaldırmadı.

ABDULLA İSMAYILOĞLU