Futbol üzrə ölkə çempionatının 1-ci liqasında çempionluq uğrunda mübarizə aparan “Şamaxı” heyətini gücləndirməkdə davam edir.

Elitaya yüksəlmək üçün bütün qüvvəsini səfərbər edən “şirlər” 23 yaşlı mərkəz müdafiəçisi Arsen Ağcabəyovu də heyətinə qatıb. Bu xəbəri komandanın baş məşqçisi Ramiz Məmmədov təsdiqlədi. Arsenlə ilyarımlıq müqavilə imzalanıb.

Beləliklə, davam edən fasilədə “şirlər” dördüncü transferini reallaşdırdı.

Xatırladaq ki, “Şamaxı” buna qədər üç transferini - Səbayıl Bağırov, Bəhruz Teymurov və Roman Hüseynovu ictimaiyyətə açıqlamışdı.

KAMAL SƏFƏR