Növbəti mövsüm 1-ci liqada çıxış edəcək "Şamaxı" yenidən premyer-liqaya qayıtmağın planlarını cızır.

"Football-plus.az" saytının məlumatına görə, baş məşqçi Vüqar Əsgərliyə "şirlər"i elitaya qaytarması üçün cəmi 1 il vaxt verilib. Bölgə təmsilçisi növbəti mövsümün sonunda hədəfinə çatmasa, mütəxəssisin müqaviləsi yenilənməyəcək. Əsgərli tapşırığın öhdəsindən gəlmək üçün heyətdən ayrılanların yerini səmərəli şəkildə doldurmağa çalışır.

Daha əvvəl "Zaqatala"nın hücumçusu Cəlal Cəbrayılovu heyətinə qatan "Şamaxı" növbəti transferini də reallaşdırıb. Bu, "Turan Tovuz"un yarımmüdafiəçisi Abbas Ağazadədi. Onunla 1 illik müqavilə imzalanıb.

24 yaşlı futbolçu ötən mövsüm tovuzluların heyətində 11 matçda iştirak edib. Hesabında qol və məhsuldar ötürmə yoxdu.

KƏNAN BAHADIR