“Fasilədə bir sıra transferlərə imza atdıq. “Turan Tovuz”dan Səbayıl Bağırov, “Zaqatala”dan Bəhruz Teymurov və “Mingəçevir”dən Roman Hüseynov ilə müqavilələr imzalandı. Artıq klubumuzun şərəfini qoruyacaqlar. Nəzərimizdə iki futbolçu da var ki, razılıq əldə olunandan sonra bu barədə məlumat verəcəyik. İkinci yarı üçün iddialıyıq, qarşımıza elitaya yüksəlmək hədəfi qoymuşuq. Bir neçə yoldaşlıq görüşü keçirəcəyik. Yanvarın 14-də “Araz Saatlı”, 21-də isə “Füzuli” ilə qarşı-qarşıya gələcəyik. “Difai Ağsu” ilə də razılaşmışıq. Vaxtı hələ dəqiqləşdirməmişik. Çox güman, həmin oyun 23-25-i aralığında baş tutacaq. Sonda isə “Karvan”la görüşəcəyik. Ümumilikdə 4 yoldaşlıq matçı keçirməyi planlaşdırmışıq”.