“Şamaxı”nı tanınmış mütəxəssis çalışdıracaq
1-ci liqanın 9-cu turunda “Şamaxı” “Karvan”a uduzdu – 2:4.
Məğlubiyyət “şirlər”in baş məşqçisi Vüqar Əsgərliyə baha başa gəldi. Gənc mütəxəssis məğlubiyyətdən sonra rəhbərliklə görüşərək istefa verdi. Görüşdən sonra gənc məşqçi ilə söhbətləşdik. Vüqar bəy başverənlər haqda çox danışmaq istəmədi:
“Gərgin keçən matçda məğlub olduq. Oyun haqda çox danışmağa ehtiyac yoxdu. Qarşılaşmadan sonra rəhbərliklə görüşdüm və istefa verdim. Onlar da sağ olsunlar, istəyimi nəzərə aldılar. “Şamaxı”ya uğurlar arzulayıram”.
Redaksiyamıza “Şamaxı” ilə bağlı maraqlı məlumat daxil olub. Çox güman, komandanın yeni çalışdırıcısı Ramiz Məmmədov olacaq. “Karvan”la matçdan sonra “şirlər”in İdarə Heyətinin sədri Elçin Usub və idman direktoru Kamran İsmayılov mingəçevirli mütəxəssislə iclas keçirərək razılıq əldə ediblər. Ramiz Məmmədovun təyinatı yaxın günlərdə ictimaiyyətə açıqlanacaq.
İLKİN SULTANLI
Digər xəbərlər
