“Yığmanı “NTD-İndiqo”nun bazasında formalaşdırmaq fikrim yoxdu” – Tahir Baxşıyevdən qəti cavab
Xəbər verdiyimiz kimi, kişi basketbolçulardan ibarət yığmamız İsveçrədə keçiriləcək dünya çempionatının ilkin təsnifat mərhələsində iştirak edəcək.
Görəsən, yığmanın bu yöndə planları necədi? Ölkəmizi təmsil edəcək komandanın heyəti məlumdu? Bu sualı baş məşqçi Tahir Baxşıyevə ünvanladıq. Onun “Football-plus.az”a söylədikləri:
“Fevralın 12-21-i aralığında Türkiyədə təlim-məşq toplanışı keçəcək, daha sonra İsveçrəyə yollanacağıq. Bu ölkədə keçiriləcək DÇ-nin ilkin təsnifat mərhələsinə aparacağımız heyət hələ tam məlum deyil. Toplanışda iştirak edəcək 15 nəfərdən 12-si əsas heyətə düşəcək. Hazırda milliyə bir legioner gətirmək istəyirəm. Bu yöndə işlər gedir”.
Tahir bəy həm də “NTD-İndiqo”nu çalışdırır. Mütəxəssisdən öz komandası haqda fikirlərini və yığmanı məhz “NTD-İndiqo”nun bazasında formalaşdırmaq ehtimalı ilə bağlı da soruşduq:
“Federasiya böyük işlər görür. Bunlardan biri də basketbolu regionlarda təbliğ etməkdi. Bizə “NTD-İndiqo”nun Xaçmaza köçməsini təklif etdilər və bunu müsbət qarşıladıq. Klubda hər şey qaydasındadı. Gün keçdikcə azarkeş artıq. Həmişəki kimi çempionluq üçün oynayacağıq. Lakin çempionluğa iddialı başqa komandalar da var. Onlardan “Sabah”, “Xəzri”, “Neftçi” və “Xırdalan”ın adını çəkmək olar. Məhz buna görə çempionatın ən gözəl və çətin oyunları irəlidədi. Onu da deyim ki, yığmanı “NTD-İndiqo”nun bazasında formalaşdırmaq fikrim yoxdu”.
GÜNAY SÜLEYMANOVA
Digər xəbərlər
