Portuqaliya çempionatında 16-cı turun oyunları keçirilir.

“Football-plus.az” xəbər verir ki, “Qarabağ”ın Avropa Liqasının pley-offundakı rəqibi “Braqa” hesabat turunda əsas izləyicisi “Gimaraynş”ı qəbul edib. Karvalyo 53-cü dəqiqədə “Braqa”nı irəli çıxarsa da, qonaqlar 90+8-ci dəqiqədə məğlubiyyətdən qurtulub. Maraqlıdı ki, “Braqa”nın əsas ulduzu, 14 qolla bombardirlərin yarışına başçılıq edən Simon Banza bu oyunda meydana çıxmayıb ki, bu da onun qışda daha iddialı kluba keçəcəyi ilə bağlı xəbərlərin gerçəkləşmək ehtimalını artırır. Artur Jorje bu oyunda aşağıda adı çəkilən futbolçuların xidmətindən yararlanıb: Mateus, Borxa, Saatçı, Fonte, Qomes, Karvalyo (Kaştro, 90+3), Moutinyo, Lopeş (Pitsi, 75), Salasar (A.Orta, 75), R.Orta (Rocer, 90+3), Ruis (Oliveyra, 90+3).

33 xala malik “Braqa” 4-cü pillədəki yerini qoruyub. İlk üç pillədə isə “Sportinq” (40), “Benfika” (39) və “Portu” (35) qərarlaşıb.