''Konyaspor'' ''Qalatasaray''dan pulunu tələb edir
''Qalatasaray'' Əbdülkərim Bardakcıya görə problem yaşaya bilər.
"Football-plus.az" xəbər verir ki, İstanbul nəhəngi bu mərkəz müdafiəçisini 2022-nin yayında 2,8 milyon avroya ''Konyaspor''dan transfer edib. Amma bu məbləğ hələ də qarşı tərəfə ödənilməyib. Bunu ''Konyaspor''un prezidenti Ömər Korkmaz açıqlayıb:
"Əbdülkərimin pulundan bizə ödəniləcək kiçik bir hissə qalıb. Onu hələ də ödəməyiblər. ''Qalatasaray''ın bu məbləği hesabımıza köçürməsini gözləyirik. Onlara sonuncu xəbərdarlığımızı etdik. Bu dəfə də ödəməsələr onlardan şikayət edəcəyik. Hər halda biz öz pulumuzu istəyirik. Qarşımızdakı klubun kim olması bizi maraqlandırmır. Bizə çatmalı olan pul ödənilməlidi''.
Qeyd edək ki, 29 yaşlı Əbdülkərim ötən mövsüm sərgilədiyi inamlı performansla həm çempionluqda mühüm rol oynadı, həm də Türkiyə yığmasında əsas heyət üzvünə çevrildi. İndiki transfer dəyəri təxminən 10 milyon avro civarında olan Bardakcının ''Qalatasaray''la 2025-ci ilə qədər müqaviləsi var.
ƏLİ
Digər xəbərlər
