Olimpiu Morutsan artıq ''Qalatasaray''ı tərk etsə də, bu futbolçuya görə İstanbul nəhəngi yenə problem yaşaya bilər.

“Football-plus.az” xəbər verir ki, rumıniyalı jurnalist Emanuel Roşunun məlumatına görə FKSB Morutsana görə ''Qalatasaray''dan FİFA-ya şikayət edib. Məsələ burasındadı ki, Morutsanın müqaviləsində Çempionlar Liqası ilə bağlı xüsusi maddə mövcud idi. Belə ki, ''Cim-Bom'' ÇL-in qrup mərhələsinə vəsiqə qazanacağı təqdirdə FKSB-ya 1 milyon avro bonus ödəməli idi. Amma ''sarı-qırmızılar'' qarşı tərəfə bu pulu ödəmək niyyətində deyil. Belə ki, Morutsan avqustun 22-də 3 milyon avro qarşılığında ''Ankaragücü''yə satıldı. Komanda ÇL-in qrupuna vəsiqəni isə avqustun 29-da rəsmiləşdirdi. Yəni ''Qalatasaray'' iddia edir ki, bu baş verərkən artıq Morutsan başqa kollektivin üzvü idi. Bu üzdən FKSB məsələni FİFA-ya daşımalı olub. Xatırladaq ki, ''Aslan'' 24 yaşlı rumıniyalı vingeri 2021-in yayında FKSB-dan transfer edib. İlk mövsümdə ümidləri doğrultmayan bu futbolçu ötən mövsümü icarə əsasında İtaliyanın B seriyası təmsilçisi ''Piza''da keçirmişdi.

ƏLİ