''Qalatasaray''da iyunun 11-də keçiriləcək prezident seçkisində qalib gələcək şəxsin işi ilk günlərdən çox çətin olacaq. Belə ki, o, ilk 3 həftə ərzində 4 milyon dollar ödəməli olacaq!

"Football-plus.az" xəbər verir ki, söhbət ''Cim-Bom''un Mustafa Məhəmədə görə ödəməli olduğu borcdan gedir. İstanbul nəhəngi misirli forvardı 2021-ci ilin fevralında ''Zəmələk''dən ilyarımlıq icarəyə götürmüş və bu mövsümün qış fasiləsində onu daimi əsasda transfer etmişdi. Amma ''sarı-qırmızılar'' bu transferin qarşılığında Misir klubuna ödəməli olduğu 4 milyon dolları hələ də ödəməyib! Bugünlərdə ''Zəmələk''dən bununla bağlı ''Qalatasaray''a xəbərdarlıq faksı göndərilib. Çünki tərəflər arasında imzalanan müqaviləyə əsasən bu məbləğ ən gec iyulun 1-nə qədər ödənilməlidi. ''Zəmələk''in göndərdiyi faksda açıq şəkildə qeyd olunub ki, məbləğ həmin tarixə qədər ödənilməsə, klub FİFA-ya şikayət edəcək! Misirlilər bu addımı atacağı və haqlı sayılacağı təqdirdə ''Qalatasaray'' transfer qadağası ilə üzləşə bilər.

Qeyd edək ki, indiki başqan Burak Yılmazın başçılıq etdiyi rəhbərliyin fəaliyyəti martdakı maliyyə toplantısında səsvermə yolu ilə qənaətbəxş sayılmadığından onların bu məbləği ödəməyə haqqı yoxdu. Yəni bütün yük yeni seçiləcək rəhbərliyin üzərinə düşəcək. Transfer cəzası almamaq üçün yeni prezident 20 gün ərzində 66 milyon lirəyə bərabər olan bu məbləği mütləq şəkildə ödəməli olacaq. 24 yaşlı Məhəməd hələ də komandada əsas heyət üzvü sayılmır. O indiyə qədər ''Qalatasaray''da forma geydiyi 57 rəsmi oyunda 17 qol, 5 məhsuldar ötürmə ilə yadda qalıb.

ƏLİ