"Adana Dəmirpsor" çətin dönəmdən keçirdi. Vurğuladığınız kimi, maliyyə sıxıntıları gündəmdə idi. Lakin indi vəziyyət dəyişib. Prezident Murat Sancakdan aldığım məlumata görə, klub lazım olan maliyyəni əldə edib. Digər tərəfdən, futbolçuların komandadan ayrılmasının səbəbi məhz maaşla bağlı deyil. Onlara çoxdan bildirilmişdi ki, özünüzə yeni klub axtarın. Çünki nə qədər keyfiyyətli oyunçular olsa belə, Adana təmsilçisinin hədəflərinə uyğun çıxış etmirdilər. Şahruddinə gəlincə, bu mövzu məni də maraqlandırdığından Murat bəydən futbolçunun taleyinin necə olacağını soruşmuşdum. Başqan mənimlə söhbətdə millimizin qapıçısını çox bəyəndiyini və onunla yola davam etmək istədiklərini demişdi. Söhbətimiz təxminən 10 gün əvvəl olub.

İndi Şahruddinin hədəfi ruhdan düşməmək və işinə daha məsuliyyətli yanaşmaqdan ibarətdi. Hər halda, onun "Adana Dəmirspor"dakı karyerası təhlükə altında deyil".