"Düşünürəm ki, Şahruddin ən doğru seçimini edəcək. Çünki o, burdakı bütün limitini xərclədi və artıq "Qarabağ"da daim oynaya bilməyəcəyini anladı. "Adana Dəmirspor" Türkiyənin iddialı klublarındandı. Şahruddin milli və avrokubok təcrübəsi olan qapıçıdı. Mənə elə gəlir ki, Türkiyədəki karyerası uğurlu alınacaq. Ona uğurlar arzulayıram”. 

"Qolkiperin Türkiyə klubuna keçəcəyi ilə bağlı məlumatları oxudum. Fikrimcə, Şahruddin son vaxtlar uğursuz çıxışına görə azarkeşlər, mətbuat nümayəndələri tərəfindən çox qınandı. Həmçinin avrokubokdakı matçlarda şans qazana bilməməsi onun düşüncəsində dəyişikliklərə gətirdi. Hesab edirəm ki, Ağdam təmsilçisi də futbolçunun "Adana Dəmirspor"a keçidinə  mane olmursa, bu onun xeyrinədi. Hər bir futbolçu karyerasında yeni səhifə açmalıdı. Hesab edirəm ki, onun Türkiyədə debütü uğurlu alınacaq. Şahruddin səhvlər etsə də, ümumilikdə istəkli, mübariz, döyüşkən  qapıçıdı. Məhz bu cəhətlərinə görə Adana təmsilçisində də əsas qapıçıya çevriləcəyinə inanıram. Legioner həyatı yaşaması yığmamız üçün də faydalı olacaq. Şahruddinə uğur arzulayıram".