Neymar gəmisi ilə səfərə çıxdı

Neçə vaxtdı zədəli olan Neymar yeni il ərəfəsində əhvalını yüksəltmək qərarına gəlib.

"Football-plus.az" xəbər verir ki, bu səbəbdən “Əl-Hilal”dan ayrı olan braziliyalı futbolçu uzaq səfərə çıxıb.

2024-cü ilin avqustuna qədər futbol oynaya bilməyəcək Neymar öz gəmisi ilə ölkəsinə səfər təşkil edib. İspaniyada çıxan “AS” qəzetinin məlumatına görə, layner dekabrın 27-də Rio de Janeyroya yola düşüb. Bu səfərin 3 gün davam edəcəyi və bundan sonra gəminin geri qayıdacağı xəbər verilib. “MSC Preziosa” adlı gəminin göyərtəsində ümumilikdə 3500 nəfər səyahət edir. Gəmidə mağazalar, kazino, boulinq salonu, kinoteatr və digər əyləncə otaqları var. Neymar bütün ailəsi ilə birlikdə laynerdədi.

Maraq üçün onu da bildirək ki, səyahət üçün biletin qiyməti 1-6 min avro arasında dəyişir.