Ağır zədə üzündən mövsümü erkən başa vuran Neymar boş oturmur.

Deyəsən, oynaya bilməməyin acı hissini qumar oynamaqla unutmağa çalışır.

Yəqin onun poker oyununun aşiqi olduğunu bilirsiz. “Əl-Hilal”ın hücumçusu onlayn poker turnirində böyük məbləğdə pul qazanıb. Braziliyalı “PokerStars” turnirinə 5,2 min dollar (4,8 min avro) giriş haqqı ödəyərək qeydiyyatdan keçib. Nəticədə o, turnirdə 66 min dollar (62 min avro) qazanaraq 2-ci yeri tutub. Yarışın lideri isə 91,6 min dollar (86 min avro) qazanan Dominikas Mikensonas olub. Maraq üçün turnirdə 59 futbolçunun iştirak etdiyini də bildirək.
Xatırladaq ki, Neymar DÇ-2026-nın seçmə turnirinin Uruqvay ilə səfər matçında (0:2) zədələnib. Dizinin ön çarpaz bağları xəsarət alan futbolçunun təxminən 7-9 ay oynamayacağı ehtimal edilir.