Neymar 2-ci dəfə ata olacaq. Braziliyalı futbolçu sevgilisi Bruna Byankardi ilə birlikdə sosial şəbəkədə uşaq gözlədiklərini açıqlayıb.
"Football-plus.az" xəbər verir ki, Bruna hamilə olduğunu göstərən şəkilləri paylaşıb və bu cümlələri yazıb:
“Biz sənin həyatını arzulayırıq, gəlişini gözləyirik. Sənin varlığın günlərimizi daha da xoşbəxt edir. Sən gözəl ailəyə qoşulacaqsan. Səni sevən qardaşın, baban, nənən, əmilərin, dayıların, xalaların və bibilərin də olacaq. Tez gəl, oğlum, səni gözləyirik!”
Qeyd edək ki, Neymar Bruna ilə 2021-ci ilin avqustundan görüşürlər. Onlar ilk dəfə ictimaiyyət arasında 2022-ci ilin dekabrında birgə görünüblər. Neymarın keçmiş münasibətindən 12 yaşlı oğlunun olduğunu da bildirək.