Türkiyə çempionatında mövsümün diqqət çəkən kollektivlərindən olan və 17 turdan sonra 4-cü pillədə qərarlaşan ''Kayserispor''la bağlı yeni xəbər var.

“Football-plus.az” xəbər verir ki, zatən son dönəmlərdə tez-tez müxtəlif cəzalar alan klubun belə desək, yənidən başı ağrıya bilər. Belə ki, bu dəfə Olivye Kemen pulunu ala bilmədiyinə müqaviləni birtərəfli qaydada ləğv edərək klubdan ayrılıb. 27 yaşlı kamerunlu futbolçunun FİFA-ya şikayət edəcəyi istisna edilmir. Kemen ''Kayserispor''da 3-cü mövsümünü keçirirdi. O, indiyə qədər bu klubda 72 rəsmi oyuna çıxaraq 6 qol vurmuşdu. Son illərdə Kayseri təmsilçisi bu cür məsələlər üzündən cəzalar alsa da, göründüyü kimi klub hələ də bundan nəticə çıxara bilmir. 2 il öncə kluba 3 dönəm üçün transfer cəzası verilmişdi və bu cəza yalnız bu yay aradan qaldırılmışdı.

Kemendən başqa ''Kayserispor''un Andrea Bertolaççi ilə də bağlı problemi var. Klubun İtaliyalı futbolçuya 2,4 milyon avro borcu var. Həmin borc ödənilməsə, Kayseri təmsilçisi qışda heyəti yeni oyunçu ilə gücləndirə bilməyəcək. Bundan başqa lisenziya ilə bağlı problemlər üzündən də kluba 3 xal cəzası verilib. Amma rəhbərlik bu cəzadan apellyasiya verib.

ƏLİ