“SSRİ vaxtı Xankəndidə “Qarabağ”dan başqa “Spartak” adlı komandamız da var idi” – yaradılsın, yoxsa yaradılmasın?
Xankəndidəki oyundan sonra futbol ictimaiyyəti arasında belə fikirlər gəzir ki, möhtəşəm stadion varsa, şəhərin futbol komandası da olmalıdı.
Bu yöndə yaranan suallardan biri də belədi ki, şəhərdə ayrıca futbol komandası yaranmalıdı, yoxsa mövcud olanlardan biri ölkədaxili yarışlarda Xankəndini təmsil etməlidi? Vaxtilə “Qarabağ”ın heyətində çıxış etmiş Munis Abdullayevin “Football-plus.az”a dedikləri:
“Qarabağın hər bir qarışı bizimdi. Bu gün Xankəndi şəhər stadionunda hansı komandamızın oynamasının fərqi yoxdu. Amma Xankəndinin öz komandası olsa, daha yaxşıdı. Gələcəkdə orada çox yaxşı bir komanda olacağına inanıram. Çünki o şəhərin adına elə-belə komanda ola bilməz.
SSRİ vaxtı Xankəndidə “Qarabağ”dan başqa “Spartak” adlı komandamız da var idi. Azərbaycan çempionatının 1-ci və ya 2-ci dəstəsində, “Qarabağ” isə SSRİ çempionatının 2-ci dəstəsinin 9-cu zonasında çıxış edirdi. Onu demək istəyirəm ki, o şəhərin elə o vaxt iki komandası var idi. Yəni Xankəndinin potensialı yüksəkdi”.
SSRİ vaxtı Xankəndidə “Qarabağ”dan başqa “Spartak” adlı komandamız da var idi. Azərbaycan çempionatının 1-ci və ya 2-ci dəstəsində, “Qarabağ” isə SSRİ çempionatının 2-ci dəstəsinin 9-cu zonasında çıxış edirdi. Onu demək istəyirəm ki, o şəhərin elə o vaxt iki komandası var idi. Yəni Xankəndinin potensialı yüksəkdi”.
MİRKAMAL KAZIMZADƏ
Digər xəbərlər
