“Elmar Baxşıyev sona qədər klubda qalmalıdı” – mütəxəssis rəyi
“Qəbələ” ölkə çempionatındakı uğursuz çıxışın nəticəsi kimi artıq sonuncu pillədən boylanır.
Bəziləri buna görə baş məqçi Elmar Baxşıyevi günahlandırsa da, bəziləri də günahı düzgün transfer siyasəti yürütməyən rəhbərlikdə görür. Komandanın qış “transfer pəncərəsi”ndən sonra özünə qayıda biləcəyini deyənlər də var.
“Football-plus.az” bütün bu məqamlarla bağlı təcrübəli mütəxəssis Əfqan Talıbovdan fikir öyrəndi:
“Qəbələ”nin bu mövsüm zəif çıxış etməsinin əsas səbəbini maliyyə problemlərində görürəm. Buna görə də heyətini itirdi. Qış fasiləsində düzgün transferlər etməsələr, aşağı liqaya düşmək ehtimalı realdı. Maliyyəni artırıb iki-üç güclü oyunçu gətirilərsə, bu uğursuzluğa son qoyula bilər. Komandanın indiki vəziyyətini Elmar Baxşıyevdən yaxşı bilən ikinci biri olmaz. O, sona qədər klubda qalmalıdı”.
MİRKAMAL KAZIMZADƏ
Digər xəbərlər
