Premyer-liqanın 11-ci turunda "Qəbələ" - "Kəpəz" matçında xeyli vaxtdı zədədən əziyyət çəkən vitse-kapitan Urfan Abbasovun adı oyunun protokoluna salınmışdı.
Football-plus.az xəbər verir ki, müdafiəçi sona qədər meydanda yaşananları ehtiyat oyunçular skamyasından izlədi. Ona şans verilməməsinin səbəbini baş məşqçi Elmar Baxşıyevdən soruşduq:
"Urfan zədəsini hələ tam sağaltmayıb. Hələlik fərdi qaydada yüngül məşqlər edir. Sıradan bir oyunçu deyil. O, həm kapitanımız, həm də ən təcrübəli oyunçularımızdandı. Onun ehtiyat oyunçular skamyasında yer alması gənc futbolçularımız və komanda üçün ayrıca dəstəkdi. Urfan həmişə komanda yoldaşlarına dəstək verən futbolçudu. Zədəsi sağaldıqdan sonra meydana buraxacağıq".
ABDULLA İSMAYILOĞLU